Türkdilli Dövlətlərin Əməkdaşlıq Şurasının Baş katibi Bağdad Amreyevdən

08 noyabr 2021, 12:15

Azərbaycan Respublikasının Prezidenti Zati-aliləri cənab İlham Əliyevə

Möhtərəm cənab Prezident.

Milli bayramınız - 8 Noyabr - Zəfər Günü münasibətilə Türk Şurası adından və şəxsən öz adımdan Azərbaycan xalqını, Ordusunu və Müzəffər Ali Baş Komandan kimi Zati-alinizi səmimi qəlbdən təbrik edir, ən xoş arzularımı çatdırıram.

Bu şanlı Zəfər təkcə qardaş Azərbaycanda deyil, ümumiyyətlə bütün türk dünyasında milli kimliyin və həmrəyliyin güclənməsinə səbəb olmaqla əməkdaşlığımızın daha da dərinləşməsi üçün yeni üfüqlər açmışdır.

Eyni zamanda, Zati-alinizin Azərbaycan Respublikasının beynəlxalq müstəvidə tanınmış ərazi bütövlüyünün bərpası ilə yaratdığı yeni siyasi reallıq və şərait regionumuzda sabitlik, hərtərəfli əməkdaşlıq və davamlı inkişafa təkan verəcəkdir.

Xüsusilə vurğulamaq istərdim ki, bu ilin 31 mart tarixində Türküstan Zirvə görüşündə üzv dövlətlərimiz bir daha yekdilliklə Azərbaycan torpaqlarının işğaldan azad edilməsini təqdirlə qarşılayaraq münaqişənin təsirinə məruz qalmış ərazilərin bərpası, yenidən qurulması və reinteqrasiyası istiqamətindəki səylərində Azərbaycan Hökuməti və xalqı ilə həmrəy olduqlarını ifadə etmişlər.

Zati-alinizin liderliyi və qətiyyəti sayəsində türk dünyasını birləşdirəcək Zəngəzur dəhlizində yenidən yaradılacaq nəqliyyat, kommunikasiya, infrastruktur layihələrinin üzv dövlətlərimiz başda olmaqla bütün region ölkələrinin iqtisadiyyatının inkişafına, sülh və sabitliyin möhkəmlənməsinə mühüm töhfə verəcəyinə əmin olduğumu bir daha bildirmək istərdim.

Şəhid olmuş qəhrəman Azərbaycan əsgərlərini dərin hörmətlə yad edərək Zati-alinizi Zəfər bayramı münasibətilə bir daha təbrik edir, bütün Azərbaycan xalqına sülh, rifah və tərəqqi arzulayıram.

Dərin hörmət və ehtiramla,

Bağdad Amreyev

Türkdilli Dövlətlərin Əməkdaşlıq Şurasının Baş katibi-0-

SƏNƏDLƏRSərəncamlar07 dekabr 2021
15:49
F.Ə.Adıgözəlovun Azərbaycan Respublikasının Dövlət Sığorta Kommersiya Şirkətinin sədri təyin edilməsi haqqında Azərbaycan Respublikası Prezidentinin Sərəncamı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:

1. Fərhad Əsgər oğlu Adıgözəlov Azərbaycan Respublikasının Dövlət Sığorta Kommersiya Şirkətinin sədri təyin edilsin.

2. Bu Sərəncam imzalandığı gündən qüvvəyə...

07 dekabr 2021, 15:49
SƏNƏDLƏRSərəncamlar06 dekabr 2021
12:00
Azərbaycan Respublikası Hesablama Palatası əməkdaşlarının təltif edilməsi haqqında Azərbaycan Respublikası Prezidentinin Sərəncamı

Azərbaycan Respublikası Konstitusiyasının 109-cu maddəsinin 23-cü bəndini rəhbər tutaraq qərara alıram:

Azərbaycan Respublikası Hesablama Palatasının yaradılmasının 20 illiyi münasibətilə Palatanın fəaliyyətində xidmətlərinə görə aşağıdakı şəxslər təltif edilsinlər:

06 dekabr 2021, 12:00
SƏNƏDLƏRSərəncamlar06 dekabr 2021
11:43
Azərbaycan Respublikasının rabitə və informasiya texnologiyaları sahəsi işçilərinə “Əməkdar mühəndis” fəxri adının verilməsi haqqında Azərbaycan Respublikası Prezidentinin Sərəncamı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:

Azərbaycan Respublikasında rabitə və informasiya texnologiyaları sahəsində səmərəli fəaliyyətinə görə aşağıdakı şəxslərə “Əməkdar mühəndis” fəxri adı verilsin:

06 dekabr 2021, 11:43