Ukraynanın “İnterbudmontaj” Tikinti Assosiasiyasının idarə heyətinin sədri Vladimir Petrukdan

27 dekabr 2013, 12:50

Zati-aliləri,

İcazə verin, Ukraynanın “İnterbudmontaj” Tikinti Assosiasiyası adından doğum gününüz münasibətilə Sizə ən xoş arzularımı bildirim, həm şəxsi həyatınızda, həm də Sizin rəhbərliyinizlə regionun lideri statusunu get-gedə möhkəmləndirən müasir müstəqil Azərbaycan naminə mühüm ali dövləti fəaliyyətinizdə uğurlar arzulayım. 

Sizi həm də bu ilin oktyabrında keçirilmiş prezident seçkilərində inamlı qələbəniz münasibətilə təbrik edirəm. Azərbaycan xalqı öz gələcəyini növbəti dəfə Sizə etibar etmişdir. Çünki Sizin həyata keçirdiyiniz müdrik siyasətin əsasında Azərbaycan insanı dayanır. 

“İnterbudmontaj” Tikinti Assosiasiyası Bakı metropoliteninin əlavə xətlərinin çəkilməsi layihəsində iştirak etməyi özünə böyük şərəf sayır. Eyni zamanda, şirkətin rəhbərliyi dərk edir ki, bu həm də böyük məsuliyyətdir, çünki bu gün Azərbaycanda bütün layihələr yüksək səviyyədə həyata keçirilir. Sizi əmin edirəm ki, Assosiasiyamız yüksək etimadı doğrultmaq üçün bütün səylərini səfərbər edəcəkdir. 

Cənab Prezident, icazə verin, Sizə bir daha möhkəm cansağlığı, ali dövləti vəzifənizdə yeni uğurlar arzulayım.

Dərin hörmətlə,

Vladimir Petruk

Ukraynanın “İnterbudmontaj” Tikinti Assosiasiyasının
idarə heyətinin sədri

SƏNƏDLƏR Bəyanatlar 12 noyabr 2026
22:55
Azərbaycan Respublikası ilə Böyük Britaniya və Şimali İrlandiya Birləşmiş Krallığı arasında Strateji Tərəfdaşlıq haqqında Birgə Bəyannamə

Azərbaycan Respublikası və Böyük Britaniya və Şimali İrlandiya Birləşmiş Krallığı (bundan sonra “İştirakçılar” adlandırılacaq)

İki ölkə arasında uzunmüddətli münasibətlərə əsaslanaraq və 1994-cü il 23 fevral tarixli Dostluq və Əməkdaşlıq haqqında Birgə Bəyannaməni və...

12 noyabr 2026, 22:55