Nümayəndələr Palatasının spikeri Cozef M.Soukidən Senatın sədri Donna Merkado Kimdən

24 oktyabr 2013, 15:50

Hörmətli cənab Prezident,

Yenidən Prezident seçilməyiniz münasibətilə Sizi Havay ştatının qanunverici orqanı adından təbrik edirik.

Havay ştatı qanunvericilərinin Azərbaycanı və onun ətraf regionunu yaxından tanımaları üçün bir neçə dəfə imkanı olmuşdur.

Ştatın qanunverici orqanının nümayəndələri Sizin gözəl ölkənizdə beynəlxalq tədbirlərdə iştirak etmişlər. Bundan əlavə, Havay qanunverici orqanında təcrübə mübadiləsi keçən azərbaycanlı tələbədən ölkənizin zəngin tarixi və mədəniyyəti barədə yeni biliklər əldə etmişik.

Ştatın Honolulu şəhəri 1998-ci ildən Bakı ilə qardaşlaşmışdır.

Biz ölkələrimiz arasındakı yaxşı iqtisadi-ticari əlaqələri yüksək dəyərləndiririk. Sizin Sakit okean ticari məkanının yolayrıcında yerləşən Xəzər regionunda mühüm mövqeyinizi dəyərləndirərək davamlı xoşməramlılığı və qarşılıqlı hörməti alqışlayırıq.

Azərbaycan xalqına davamlı sülh və firavanlıq arzu edirik.

Hörmətlə,

Cozef M.Souki
Nümayəndələr Palatasının spikeri

Donna Merkado Kim
Senatın sədri

SƏNƏDLƏR Bəyanatlar 12 noyabr 2026
22:55
Azərbaycan Respublikası ilə Böyük Britaniya və Şimali İrlandiya Birləşmiş Krallığı arasında Strateji Tərəfdaşlıq haqqında Birgə Bəyannamə

Azərbaycan Respublikası və Böyük Britaniya və Şimali İrlandiya Birləşmiş Krallığı (bundan sonra “İştirakçılar” adlandırılacaq)

İki ölkə arasında uzunmüddətli münasibətlərə əsaslanaraq və 1994-cü il 23 fevral tarixli Dostluq və Əməkdaşlıq haqqında Birgə Bəyannaməni və...

12 noyabr 2026, 22:55