İlham Əliyev Dağlıq Qarabağın azərbaycanlı icmasının mərkəzi qərargahının açılışında iştirak etmişdir

Prezident İlham Əliyev Bakıda Azərbaycan Respublikası Dağlıq Qarabağ bölgəsinin azərbaycanlı icmasının mərkəzi qərargahının açılışında iştirak etmişdir.

Prezident İlham Əliyev rəmzi açılışı bildirən lenti kəsmiş, binada yaradılmış şəraitlə tanış olmuşdur.

Dövlət başçısına məlumat verilmişdir ki, dördmərtəbəli, xüsusi memarlıq üslubunda əsaslı şəkildə yenidən qurulan inzibati binada əməkdaşların fəaliyyəti üçün hər cür şərait yaradılmışdır. Binanın birinci mərtəbəsində ulu öndər Heydər Əliyevin büstü qoyulmuşdur.

Prezident İlham Əliyev binanın iş otaqlarında yaradılan şəraitlə tanış olmuşdur. Bildirilmişdir ki, otaqların hamısı informasiya və kommunikasiya texnologiyaları, mebel və inventarla tam təchiz edilmişdir. Binada müxtəlif tədbirlərin keçirilməsi üçün geniş konfrans zalı və digər müşavirə otaqları da vardır.

Dövlət başçısı tədbirdə çıxış etmişdir.