Almaniyadakı “Xəzər” Alman-Azərbaycan Cəmiyyətinin sədri, Hannover şəhəri Bothfeld-Vahrenheide rayonun deputatı və inteqrasiya şurasının üzvü Etibar Qəniyevdən

28 dekabr 2013, 16:20

Zati-aliləri,

Sizi doğum gününüz münasibətilə Almaniyanın Aşağı Saksoniya federal əyalətində məskunlaşan Azərbaycan diasporu və Hannover şəhərində fəaliyyət göstərən “Xəzər” Alman-Azərbaycan cəmiyyəti adından səmimi qəlbdən təbrik edirəm.

Bizim tarixi Vətənimiz - Azərbaycan Respublikası son 10 ildə Sizin rəhbərliyinizlə çox böyük uğurlar qazanmışdır. Ölkənin
iqtisadi, siyasi, sosial həyatı tarixi nailiyyətlərlə zənginləşmişdir. Azərbaycan regionun lider dövlətinə çevrilmişdir.

Azərbaycanın beynəlxalq aləmdə nüfuzu artmışdır. Ölkəmiz BMT Təhlükəsizlik Şurasına üzv seçilmişdir. Diaspor quruculuğu işi geniş vüsət almış, ölkəmiz haqqında həqiqətlərin beynəlxalq aləmdə təbliğinin coğrafiyası genişlənmişdir. İndi Azərbaycan beynəlxalq tədbirlərin, humanitar forumların, idman yarışlarının keçirildiyi mərkəzə çevrilmişdir. Bütün bunlar Azərbaycanın dünyada nüfuzunu artırmışdır.

Cənab Prezident, bu xoş fürsətdən istifadə edərək, Sizə möhkəm cansağlığı, Azərbaycanımızın inkişafı naminə bütün təşəbbüslərinizdə uğurlar diləyirəm. Allah Sizi qorusun!

Hörmətlə,

Etibar Qəniyev

Almaniyadakı “Xəzər” Alman-Azərbaycan Cəmiyyətinin sədri,
Hannover şəhəri Bothfeld-Vahrenheide rayonun deputatı və
inteqrasiya şurasının üzvü 

SƏNƏDLƏR Bəyanatlar 12 noyabr 2026
22:55
Azərbaycan Respublikası ilə Böyük Britaniya və Şimali İrlandiya Birləşmiş Krallığı arasında Strateji Tərəfdaşlıq haqqında Birgə Bəyannamə

Azərbaycan Respublikası və Böyük Britaniya və Şimali İrlandiya Birləşmiş Krallığı (bundan sonra “İştirakçılar” adlandırılacaq)

İki ölkə arasında uzunmüddətli münasibətlərə əsaslanaraq və 1994-cü il 23 fevral tarixli Dostluq və Əməkdaşlıq haqqında Birgə Bəyannaməni və...

12 noyabr 2026, 22:55