Dialoq və Əməkdaşlıq uğrunda İslam Konfransı Gənclər Forumu idarə heyətinin sədri Əli Sarıqayadan

Zati-aliləri,

Doğum gününüz münasibətilə Sizə Dialoq və Əməkdaşlıq uğrunda İslam Konfransı Gənclər Forumunun (DƏİKGF) idarə heyətinin və üzv təşkilatlarının adından ən səmimi arzularımı çatdırmaqdan, ali dövləti vəzifənizdə uğurlar diləməkdən böyük məmnunluq duyuram.

Biz Sizin DƏİKGF-nin İslam Konfransı Təşkilatı tərkibində beynəlxalq qurum kimi formalaşmasına və inkişafına göstərdiyiniz davamlı dəstəyi yüksək qiymətləndiririk. İslam Konfransı Təşkilatı ölkələrinin gəncləri arasında dostluğun möhkəmlənməsinə və inkişafına xidmət edən bu dəstək regionumuzun digər liderlərinə nümunə ola bilər. Sizin Azərbaycan gənclərinin dəstəklənməsinə yönələn və onlara ölkə həyatının müxtəlif sahələrində əsl liderlik imkanı verən siyasətinizi alqışlayır, Zati-alinizin yüksək diqqət və qayğısına layiq olmağa çalışırıq. 

Sizə Azərbaycan xalqının rifahı naminə yorulmaz fəaliyyətinizdə daha böyük uğurlar arzulayır, möhkəm cansağlığı diləyirik.

Zati-aliləri, xahiş edirəm, ən dərin ehtiramımı qəbul edin.

Hörmətlə,

Əli Sarıqaya

Dialoq və Əməkdaşlıq uğrunda İslam Konfransı
Gənclər Forumu idarə heyətinin sədri