Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:
“Azərbaycan Respublikasının Prezidenti yanında Apellyasiya Şurasının yaradılması haqqında” Azərbaycan Respublikası Prezidentinin 2016-cı il 3 fevral tarixli 761 nömrəli Fərmanında (Azərbaycan Respublikasının Qanunvericilik Toplusu, 2016, № 2 (II kitab), maddə 225; 2017, № 12, maddə 2334; 2018, № 4, maddə 660; Azərbaycan Respublikası Prezidentinin 2019-cu il 12 mart tarixli 587 nömrəli Fərmanı) aşağıdakı dəyişikliklər edilsin:
1. Preambulaya “orqanlarının” sözündən sonra “, dövlətə məxsus olan hüquqi şəxslərin” sözləri əlavə edilsin və preambulada “orqana” sözü “instansiyaya” sözü ilə əvəz edilsin.
2. Həmin Fərmanla təsdiq edilmiş “Azərbaycan Respublikasının Prezidenti yanında Apellyasiya Şurası haqqında Əsasnamə” üzrə:
2.1. 1.1-ci bəndə “orqanlarının” sözündən sonra “, dövlətə məxsus olan hüquqi şəxslərin” sözləri əlavə edilsin, həmin bənddə “orqana” sözü “instansiyaya” sözü ilə əvəz edilsin;
2.2. 1.3-cü bənddən “şikayətləri üzrə” sözləri çıxarılsın;
2.3. 1.3-cü bəndə və 2.0.1-ci yarımbəndə “orqanlarının” sözündən sonra “, dövlətə məxsus olan hüquqi şəxslərin” sözləri əlavə edilsin;
2.4. 7.9-cu bəndə “orqana” sözündən sonra “(dövlətə məxsus olan hüquqi şəxsə)” sözləri, “orqan” sözündən sonra “(dövlətə məxsus olan hüquqi şəxs)” sözləri və “orqanın” sözündən sonra “(dövlətə məxsus olan hüquqi şəxsin)” sözləri əlavə edilsin.
İlham Əliyev
Azərbaycan Respublikasının Prezidenti
Bakı şəhəri, 6 may 2019-cu il.
