Azərbaycan Respublikasının Prezidenti İlham Əliyev

İlham Əliyev bp-nin icraçı vitse-prezidentini bu vəzifədə fəaliyyətinin başa çatması münasibətilə qəbul etmişdir

02 noyabr 2010, 16:00
İlham Əliyev bp-nin icraçı vitse-prezidentini bu vəzifədə fəaliyyətinin başa çatması münasibətilə qəbul etmişdir

Prezident İlham Əliyev bp-nin icraçı vitse-prezidenti Endi İnqlisi bu vəzifədə fəaliyyətinin başa çatması münasibətilə qəbul etmişdir.

Endi İnqlis bp ilə ölkəmiz arasında çox güclü tərəfdaşlığın mövcud olduğunu vurğulayaraq Azərbaycan Prezidentinin rəhbərliyi ilə müxtəlif layihələrdə, o cümlədən “Şahdəniz-2” yatağında işlərin uğurla getdiyini qeyd etdi. O, Bakı-Tbilisi-Ceyhan neft boru kəməri ilə artıq bir milyard barreldən çox neftin nəql edildiyini vurğuladı. bp-nin icraçı vitse-prezidenti 2010-cu ili bp ilə Azərbaycan arasında əməkdaşlıqla bağlı çox böyük nailiyyətlərin əldə olunduğu il kimi dəyərləndirdi.

Dövlət başçısı Endi İnqlisin bp-nin icraçı vitse-prezidenti vəzifəsində çalışdığı dövrdə bp ilə Azərbaycan arasında əməkdaşlığın inkişafına verdiyi töhfəni yüksək qiymətləndirdi. Prezident İlham Əliyev 2010-cu ilin Azərbaycan ilə bp arasında əlaqələr baxımından çox uğurlu il olduğunu vurğulayaraq bu müddətdə böyük həcmli işlərin görüldüyünü məmnunluqla qeyd etdi və bunu ölkəmizlə bp arasında mövcud olan uzunmüddətli tərəfdaşlığın davamı kimi dəyərləndirdi. bp ilə Azərbaycan arasında bu il üçün razılaşdırılmış məsələlərə toxunan Prezident İlham Əliyev nəzərdə tutulan layihələrin gələcək onilliklər ərzində tərəfdaşlığımıza xidmət edəcəyinə ümidvar olduğunu bildirdi. Əməkdaşlığımızın səviyyəsindən razılığını bildirən dövlətimizin başçısı bu münasibətlərin strateji əhəmiyyət daşıdığını və “Şahdəniz”, “Şəfəq”, “Asiman”, “Azəri-Çıraq-Günəşli” və bir çox digər layihələr üzrə əməkdaşlığımızın uğurla həyata keçiriləcəyinə əminliyini ifadə etdi. 

gallery-photogallery-photo
Böyük ölçüdə şəkillər
SƏNƏDLƏR Fərmanlar 10 yanvar 2025
14:44
“Milli Məkan Məlumatları” informasiya sistemi haqqında Əsasnamə”nin təsdiqi və bununla əlaqədar bəzi məsələlərin tənzimlənməsi barədə Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:

1. “Milli Məkan Məlumatları” informasiya sistemi haqqında Əsasnamə” təsdiq edilsin (əlavə olunur).

2. Azərbaycan Respublikasının...

10 yanvar 2025, 14:44
SƏNƏDLƏR Fərmanlar 10 yanvar 2025
14:40
“Rəqəmsal ekologiya” informasiya sisteminin yaradılması və bununla əlaqədar bir sıra məsələlərin tənzimlənməsi haqqında Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:

1. “Rəqəmsal ekologiya” informasiya sistemi yaradılsın.

2. “Rəqəmsal ekologiya” informasiya sistemi haqqında Əsasnamə” təsdiq...

10 yanvar 2025, 14:40
SƏNƏDLƏR Fərmanlar 10 yanvar 2025
13:16
Azərbaycan Respublikası Rəqəmsal İnkişaf və Nəqliyyat Nazirliyinin tabeliyində İnnovasiya və Rəqəmsal İnkişaf Agentliyinin vəsaitindən istifadə QAYDASI

1. Ümumi müddəalar

1.1. Bu Qayda Azərbaycan Respublikası Rəqəmsal İnkişaf və Nəqliyyat Nazirliyinin (bundan sonra – Nazirlik) tabeliyində İnnovasiya və Rəqəmsal İnkişaf Agentliyinin (bundan sonra – Agentlik) vəsaitindən istifadə mexanizmini...

10 yanvar 2025, 13:16
Digər yazılar