Rusiya Neft-Qaz Sənayeçiləri İttifaqı Şurasının sədri Yuri Şafranikdən

26 oktyabr 2013, 14:15

Hörmətli cənab Prezident!

Azərbaycan Respublikası Prezidenti seçkilərində inamlı qələbəniz münasibətilə ən səmimi və hərarətli təbriklərimi qəbul edin.

Sizin yüksək peşəkar və insani keyfiyyətlərinizə, xarakterinizə, rəhbər, siyasətçi və dövlət xadimi istedadınıza yaxşı bələd olduğumdan, əminəm ki, bu, Azərbaycan xalqının qanunauyğun seçimidir.

XXI əsrdə - yeni dövlətçiliyin formalaşması dövründə Azərbaycan Respublikasının seçdiyi yol Azərbaycan xalqının çox zəngin tarixinə, ölkənin siyasətində və iqtisadiyyatında varisliyə əsaslanan yeganə düzgün yoldur. Azərbaycanın bu yolda qazandığı sanballı uğurlar dünyada tanınmışdır və bunlar, cənab Prezident, sözsüz ki, Sizin ardıcıl, məqsədyönlü fəaliyyətinizlə bağlıdır.

Sizə səmimi qəlbdən möhkəm cansağlığı arzulayır, Azərbaycan xalqının rifahı, ölkənizin inkişafı və firavanlığı naminə möhtəşəm planlarınızın həyata keçirilməsi üçün tükənməz qüvvə və enerji diləyirəm.

Sizə və yaxınlarınıza ən xoş arzularımı bildirirəm.

Hörmətlə,

Yuri Şafranik
Rusiya Neft-Qaz Sənayeçiləri İttifaqı Şurasının sədri

SƏNƏDLƏR Bəyanatlar 12 noyabr 2026
22:55
Azərbaycan Respublikası ilə Böyük Britaniya və Şimali İrlandiya Birləşmiş Krallığı arasında Strateji Tərəfdaşlıq haqqında Birgə Bəyannamə

Azərbaycan Respublikası və Böyük Britaniya və Şimali İrlandiya Birləşmiş Krallığı (bundan sonra “İştirakçılar” adlandırılacaq)

İki ölkə arasında uzunmüddətli münasibətlərə əsaslanaraq və 1994-cü il 23 fevral tarixli Dostluq və Əməkdaşlıq haqqında Birgə Bəyannaməni və...

12 noyabr 2026, 22:55