Süleyman Ramazanovdan, Goranboy, Azərbaycan

Möhtərəm cənab Prezident,

Sizə özümün və ailəmin adından, həmçinin fermer təsərrüfatının rəhbəri kimi minnətdarlığımı bildirmək istəyirəm. Ona görə ki, Ulu Öndər Heydər Əliyevin və Sizin dövlətimizə rəhbərlik etdiyiniz dövrdə rahat və firavan yaşamışıq, dövlətin dəstəyi sayəsində sahibkarlıqla məşğul olmuşuq, uşaqlarımızı boya-başa çatdırmışıq.

Bu gün də Sizin tapşırıqlarınıza uyğun olaraq hər sahədə vətəndaşlara kömək göstərilir. Siz xalqın dərdinə şərik çıxan, dara düşən insanlara hər zaman kömək əli uzadan, xalqla hər zaman ünsiyyətdə olan dövlət başçısısınız. Bunlar gözəl xüsusiyyətlərdir.

Sizə gələcək fəaliyyətinizdə də uğurlar arzulayıram.

Hörmətlə,

Süleyman Ramazanov

Azərbaycan Respublikası, Goranboy rayonu, Qaradağlı kəndi.