“Media Reyestrinin aparılması Qaydaları”nın təsdiq edilməsi haqqında” Azərbaycan Respublikası Prezidentinin 2022-ci il 26 sentyabr tarixli 1846 nömrəli Fərmanında dəyişiklik edilməsi barədə Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:

“Media Reyestrinin aparılması Qaydaları”nın təsdiq edilməsi haqqında” Azərbaycan Respublikası Prezidentinin 2022-ci il 26 sentyabr tarixli 1846 nömrəli Fərmanında (Azərbaycan Respublikasının Qanunvericilik Toplusu, 2022, № 9, maddə 1035 (Cild I); 2024, № 6 (I kitab), maddə 654, № 8, maddə 937) aşağıdakı dəyişikliklər edilsin:

1. 4-cü hissədə “Medianın İnkişafı Agentliyi” sözləri “Media və Yayım Şurasına tövsiyə edilsin ki” sözləri ilə əvəz edilsin.

2. Həmin Fərmanla təsdiq edilmiş “Media Reyestrinin aparılması Qaydaları” üzrə:

2.1. 2.1-ci bənd üzrə:

2.1.1. 2.1.1-ci yarımbənddə “Medianın İnkişafı Agentliyi (bundan sonra – Agentlik) tərəfindən idarə olunan” sözləri “Media və Yayım Şurası (bundan sonra – Şura) tərəfindən aparılan” sözləri ilə əvəz edilsin;

2.1.2. 2.1.4-cü yarımbənddə “Agentlik” sözü “Şura” sözü ilə əvəz edilsin;

2.1.3. 2.1.7-ci yarımbənddən “, ödənişlər həyata keçirməsinə” sözləri çıxarılsın;

2.2. 4-cü hissə üzrə:

2.2.1. 4.1.8-ci yarımbəndin sonunda nöqtəli vergül işarəsi nöqtə işarəsi ilə əvəz olunsun və 4.1.9-cu yarımbənd ləğv edilsin;

2.2.2. 4.2-ci bənd üzrə:

2.2.2.1. 4.2.1-ci yarımbənddən “ödənişlər barədə məlumatın olması,” sözləri çıxarılsın;

2.2.2.2. 4.2.8-ci yarımbəndin sonunda nöqtəli vergül işarəsi nöqtə işarəsi ilə əvəz olunsun və 4.2.9-cu yarımbənd ləğv edilsin;

2.3. 6-cı hissə üzrə:

2.3.1. 6.1-ci bənddən “və Azərbaycan Respublikasının Audiovizual Şurası” sözləri çıxarılsın və həmin bənddə “edilməsi” sözü “olunması, lisenziya verilmiş audiovizual media subyektləri barədə məlumatların daxil edilməsi,” sözləri ilə əvəz edilsin;

2.3.2. 6.4-cü və 6.7-ci bəndlərin birinci cümlələrində “Agentlik” sözü “Şura” sözü ilə əvəz edilsin;

2.3.3. 6.5-ci bənd üzrə:

2.3.3.1. 6.5.1-ci yarımbəndə “olmadıqda” sözündən sonra “(Azərbaycan Respublikasında xarici media subyektlərinin filial və nümayəndəliklərinə münasibətdə Qanunun yalnız 26.5-ci maddəsinin tələbləri tətbiq olunur)” sözləri əlavə edilsin;

2.3.3.2. aşağıdakı məzmunda 6.5.5-1-ci yarımbənd əlavə edilsin:

“6.5.5-1. Azərbaycan Respublikasında xarici media subyektlərinin filial və nümayəndəlikləri olduqda dövlət qeydiyyatına alınmış olmadıqda;”;

2.3.3.3. 6.5.6-cı yarımbəndin sonunda nöqtə işarəsi nöqtəli vergül işarəsi ilə əvəz olunsun və aşağıdakı məzmunda 6.5.7 – 6.5.9-cu yarımbəndlər əlavə edilsin:

“6.5.7. Qanunun 62.6-cı maddəsində nəzərdə tutulmuş tələblərə uyğun olmadıqda;

6.5.8. informasiya agentliklərinin azı 20 (iyirmi) media subyekti ilə informasiya verilməsi (əldə edilməsi) haqqında müqaviləsi, həmçinin azı 5 (beş) xarici ölkədə akkreditasiya olunmuş jurnalistləri olmadıqda;

6.5.9. onlayn media subyektləri özlərinin veb-saytlarında Qanunun 60.2-ci, çap mediası subyektləri isə özlərinin çap mediası məhsullarında Qanunun 63.1-ci maddəsindəki məlumatları düzgün göstərmədikdə.”;

2.3.4. 6.6.10-cu yarımbənddə “iş” sözü “əmək” sözü ilə əvəz edilsin;

2.3.5. 6.8-ci və 6.14 – 6.16-cı bəndlərdə “Agentliyə” sözü “Şuraya” sözü ilə əvəz edilsin;

2.3.6. 6.17-ci bənd üzrə:

2.3.6.1. 6.17.5-ci yarımbəndə “alınmaqla” sözündən sonra “və Azərbaycan Respublikasında xarici media subyektlərinin filial və nümayəndəlikləri istisna olmaqla” sözləri əlavə edilsin;

2.3.6.2. 6.17.6-cı yarımbənddə “tələbləri pozulduqda” sözləri “tələblərinin pozulmasına görə Şura tərəfindən il ərzində 2 (iki) dəfə xəbərdarlıq edildikdən sonra həmin pozuntular təkrar törədildikdə” sözləri ilə əvəz edilsin;

2.3.6.3. aşağıdakı məzmunda 6.17.6-1 – 6.17.6-7-ci yarımbəndlər əlavə edilsin:

“6.17.6-1. media subyektləri (audiovizual media subyektləri istisna olmaqla) tərəfindən Qanunun 13.1-ci, 13.2-ci və 14.1-ci maddələrinin tələblərinin pozulmasına görə Şura tərəfindən il ərzində 2 (iki) dəfə xəbərdarlıq edildikdən sonra həmin pozuntular təkrar törədildikdə;

6.17.6-2. media subyektinin (audiovizual media subyektləri istisna olmaqla) fəaliyyətinin onun təsisçisi (iştirakçısı) olmayan xarici ölkələrin fiziki və ya hüquqi şəxsləri, onların filial və nümayəndəlikləri, həmin şəxslərin Azərbaycan Respublikasında təsis etdikləri hüquqi şəxslər, habelə xarici ölkələrin dövlət qurumları tərəfindən maliyyələşdirilməsi (Qanunun 69.2-ci maddəsi nəzərə alınmaqla) aşkar edildikdə;

6.17.6-3. onlayn media subyektlərinin özlərinin veb-saytlarında Qanunun 60.2-ci maddəsindəki məlumatları göstərmədiyi və ya yanlış göstərdiyi, çap mediası subyektlərinin isə Qanunun 63.2-ci maddəsindəki pozuntuları törətdiyi aşkarlandıqda;

6.17.6-4. media subyektinin (audiovizual media subyektləri istisna olmaqla) təsisçisi (iştirakçısı) və ya idarəetmə orqanının rəhbəri ağır və xüsusilə ağır cinayətlərə görə məsuliyyətə cəlb edildikdə;

6.17.6-5. Qanunun 15.1.5-ci maddəsinin tələblərinin pozulmasına görə Şura tərəfindən il ərzində 3 (üç) dəfə xəbərdarlıq edildikdən sonra həmin pozuntular təkrar törədildikdə;

6.17.6-6. informasiya agentliklərinə Qanunun 61.2-ci maddəsinin tələblərinin pozulmasına görə Şura tərəfindən il ərzində 2 (iki) dəfə xəbərdarlıq edildikdən sonra həmin pozuntular təkrar törədildikdə;

6.17.6-7. Azərbaycan Respublikasında filial və ya nümayəndəlik yaratmış xarici media subyekti tərəfindən Qanunun 14.1-ci maddəsinin tələbləri pozulduqda;”;

2.3.6.4. 6.17.7-ci yarımbənd aşağıdakı redaksiyada verilsin:

“6.17.7. Reyestrə daxil edilmiş media subyektinin (audiovizual media subyektləri istisna olmaqla) reyestr məlumatlarında dəyişiklik edildikdə, dəyişiklik baş verdiyi tarixdən 14 (on dörd) iş günü müddətində bu məlumatlar müvafiq təsdiqedici sənədlərlə birlikdə Şuraya təqdim edilmədikdə və bu barədə Şura tərəfindən xəbərdarlıq edildikdən sonra həmin pozuntu 1 (bir) ay ərzində aradan qaldırılmadıqda;”;

2.3.7. 6.18-ci bənd aşağıdakı redaksiyada verilsin:

“6.18. Şura tərəfindən lisenziyanın ləğvi barədə qərar qəbul edildiyi gündən 3 (üç) iş günü müddətində həmin qərar əsasında audiovizual media subyekti Reyestrdən çıxarılır.”;

2.3.8. 6.20-ci bənddə “Agentlik” sözü “Şura” sözü ilə əvəz edilsin;

2.4. 7.1-ci bənd üzrə:

2.4.1. 7.1.4-cü yarımbəndə aşağıdakı məzmunda 2-1-ci abzas əlavə edilsin:

“2-1. xarici ölkələrdə akkreditasiya olunmuş jurnalistlər barədə məlumatlar;”;

2.4.2. aşağıdakı məzmunda 7.1.4-1-ci yarımbənd əlavə edilsin:

“7.1.4-1. Azərbaycan Respublikasında xarici media subyektlərinin filial və nümayəndəliklərinin və (və ya) onların redaksiyasının (redaksiyalarının) aşağıdakı məlumatları:

1. bu Qaydaların 7.1.1-ci yarımbəndinin 2-ci, 4-cü (ali təhsili və məhkumluğunun olub-olmaması haqqında məlumat istisna olmaqla), 5-ci və 6-cı abzaslarında nəzərdə tutulmuş məlumatlar;

2. bu Qaydaların 7.1.3-cü yarımbəndinin 2-ci və 3-cü abzaslarında nəzərdə tutulmuş məlumatlar;”;

2.5. 12-ci hissə üzrə:

2.5.1. 12.4-cü bənddə “siyahısı” sözü “Reyestrdə olub-olmadığına dair məlumat” sözləri ilə əvəz edilsin;

2.5.2. 12.6-cı bənddən “, ödənişlər” sözü çıxarılsın;

2.5.3. 12.7-ci bənd ləğv edilsin.

İlham Əliyev

Azərbaycan Respublikasının Prezidenti

Bakı şəhəri, 7 avqust 2026-cı il