Xəyal Məmmədəliyevdən, Qəbələ, Azərbaycan

Hörmətli cənab Prezident!

Doğma Qəbələmizdə Sizin, xarici ölkələrin dövlət və hökumət başçıları ilə keçirdiyiniz yüksək səviyyəli görüşlər ölkəmizin beynəlxalq mövqeyinin möhkəmləndirilməsi baxımından mühüm siyasi və strateji əhəmiyyət kəsb edir.

Belə mötəbər görüşlərin regionlarda təşkili, xüsusilə Qəbələ kimi zəngin tarixi və yüksək turizm potensialına malik bir məkanda keçirilməsi Azərbaycanın yalnız paytaxt səviyyəsində deyil, bütün bölgələri ilə beynəlxalq əməkdaşlığa açıq və dinamik inkişaf edən dövlət olduğunu aydın şəkildə nümayiş etdirir.

Sizin uzaqgörən siyasətiniz nəticəsində Azərbaycan bu gün beynəlxalq aləmdə etibarlı tərəfdaş, sabitlik və əməkdaşlıq məkanı kimi tanınır. Qəbələdə keçirilən bu görüşlər dövlətlərarası münasibətlərin daha da dərinləşdirilməsi, qarşılıqlı maraqlara əsaslanan əməkdaşlığın genişləndirilməsi və yeni iqtisadi imkanların formalaşdırılması baxımından xüsusi əhəmiyyət daşıyır.

Eyni zamanda belə yüksək səviyyəli tədbirlər regionların sosial-iqtisadi inkişafına, turizm potensialının daha geniş miqyasda tanıdılmasına və yerli əhalinin rifahının yüksəldilməsinə mühüm töhfələr verir.

Doğma Qəbələmizdə həyata keçirilən bu mühüm beynəlxalq əhəmiyyətli görüşlərə görə Sizə dərin minnətdarlığımızı bildirir, Azərbaycanın inkişafı və qlobal nüfuzunun artması istiqamətində fəaliyyətinizdə müvəffəqiyyətlər arzulayırıq.

Hörmətlə,

Məmmədəliyev Xəyal İlham oğlu

Azərbaycan Respublikası, Qəbələ rayonu, Nic qəsəbəsi.