Nəsir İsmayılovdan, Naxçıvan, Azərbaycan

Möhtərəm cənab Prezident!

Naxçıvan sakinləri hər zaman Sizin bölgəmizə göstərdiyiniz yüksək diqqət və qayğını öz üzərlərində hiss etmişlər. Bu diqqət və qayğı Naxçıvanın sosial-iqtisadi inkişafında, həyata keçirilən geniş quruculuq və abadlıq işlərində öz aydın ifadəsini tapır.

Mart ayının 5-də baş vermiş gözlənilməz hadisə zamanı bölgə əhalisi müəyyən narahatlıq keçirsə də, Sizin məsələyə dərhal diqqət ayırmağınız, sabitliyin və təhlükəsizliyin qorunması istiqamətində operativ tədbirlərin görülməsi insanların qəlbində böyük inam və əminlik yaratmışdır. Bu həssas yanaşma Naxçıvan sakinləri tərəfindən böyük minnətdarlıq hissi ilə qarşılanmışdır.

Biz, Naxçıvan ictimaiyyətinin nümayəndələri olaraq, göstərdiyiniz diqqət və qayğıya görə Sizə səmimi təşəkkürümüzü bildirir, ölkəmizin inkişafı və dövlətimizin daha da güclənməsi naminə həyata keçirdiyiniz fəaliyyətinizdə uğurlar arzulayırıq.

Sizə möhkəm cansağlığı, uzun ömür və Azərbaycan dövlətinin tərəqqisi naminə gördüyünüz məsuliyyətli işlərdə yeni nailiyyətlər diləyirik.

Dərin hörmət və ehtiramla,

Nəsir İsmayılov

Azərbaycan Respublikası, Naxçıvan Muxtar Respublikası, Naxçıvan şəhəri.