Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 1-ci və 14-cü bəndlərini rəhbər tutaraq, “Yetkinlik yaşına çatmayanların işləri və hüquqlarının müdafiəsi üzrə komissiyalar haqqında Əsasnamənin təsdiq edilməsi barədə” Azərbaycan Respublikasının Qanununda dəyişiklik edilməsi haqqında” Azərbaycan Respublikasının 2024-cü il 27 dekabr tarixli 113-VIIQD nömrəli Qanununun icrası ilə əlaqədar qərara alır:
Maddə 1. Azərbaycan Respublikası Ailə Məcəlləsinin (Azərbaycan Respublikasının Qanunvericilik Toplusu, 2000, № 3 (I kitab), maddə 126 (Cild I); 2024, № 5 (l kitab), maddə 484, № 6 (I kitab), maddə 637, № 7, maddələr 763, 765, 769, 772; 2025, № 2, maddə 98, № 4 (I kitab), maddə 322, № 6, maddə 523) 51.7-ci maddəsinə “(qurum)” sözündən sonra “, habelə qəyyumluq və himayəçilik orqanı” sözləri əlavə edilsin.
Maddə 2. Azərbaycan Respublikası Mülki Məcəlləsinin (Azərbaycan Respublikasının Qanunvericilik Toplusu, 2000, № 4 (I kitab), maddə 250 (Cild I); 2024, № 2, maddə 138, № 4, maddə 365, № 5 (I kitab), maddə 493, № 7, maddə 744, № 12 (I kitab), maddə 1281; 2025, № 1, maddə 17, № 3, maddə 216, № 4 (I kitab), maddələr 315, 318, № 6, maddələr 523, 524, 536, № 7, maddələr 610, 626, № 8, maddələr 738, 741, 743, 744) 35.1-ci maddəsinin üçüncü cümləsindən “valideynlərini itirmiş və valideyn himayəsindən məhrum olmuş” sözləri çıxarılsın.
Maddə 3. “Valideynlərini itirmiş və valideyn himayəsindən məhrum olmuş uşaqların sosial müdafiəsi haqqında” Azərbaycan Respublikası Qanununun (Azərbaycan Respublikasının Qanunvericilik Toplusu, 1999, № 8, maddə 477 (Cild I); 2024, № 5 (I kitab), maddə 501, № 12 (II kitab), maddə 1336; 2025, № 4 (I kitab), maddələr 310, 322, № 6, maddə 523) 7-ci maddəsinin altıncı hissəsində “olan” sözü “olmuş” sözü ilə, “özəlləşdirilmə” sözü “özəlləşdirmə” sözü ilə əvəz edilsin.
Maddə 4. “Yetkinlik yaşına çatmayanların baxımsızlığının və hüquq pozuntularının profilaktikası haqqında” Azərbaycan Respublikası Qanununun (Azərbaycan Respublikasının Qanunvericilik Toplusu, 2005, № 8, maddə 681 (Cild I); 2024, № 1, maddə 3; 2025, № 2, maddə 98, № 6, maddə 523) 9.0-cı maddəsində aşağıdakı dəyişikliklər edilsin:
4.1. 9.0.4-cü maddədə “müvafiq” sözü “aidiyyəti” sözü ilə əvəz edilsin;
4.2. 9.0.5-ci maddədə “cəzaçəkmə müəssisəsindən, açıq və ya” sözləri “tərbiyə müəssisələrindən, açıq və” sözləri ilə əvəz edilsin;
4.3. 9.0.8-ci maddəyə “intizam” sözündən əvvəl “bu maddədə nəzərdə tutulmayan digər” sözləri əlavə edilsin.
Maddə 5. “Penitensiar müəssisələrdə cəza çəkməkdən azad edilmiş şəxslərin sosial adaptasiyası haqqında” Azərbaycan Respublikası Qanununun (Azərbaycan Respublikasının Qanunvericilik Toplusu, 2007, № 7, maddə 710 (Cild I); 2025, № 6, maddə 523) 5.2-ci maddəsində “Yetkinlik yaşına çatmayanların işləri və hüquqlarının qorunması” sözləri “Uşaq hüquqlarının müdafiəsi” sözləri ilə əvəz edilsin.
Maddə 6. “İnsanın immunçatışmazlığı virusunun törətdiyi xəstəliklə mübarizə haqqında” Azərbaycan Respublikası Qanununun (Azərbaycan Respublikasının Qanunvericilik Toplusu, 2010, № 6, maddə 481 (Cild I); 2024, № 6 (I kitab), maddə 631) 11.5-ci maddəsinin ikinci cümləsində və 12.0.2-ci maddəsində “müvafiq icra hakimiyyəti” sözləri “qəyyumluq və himayəçilik” sözləri ilə əvəz edilsin.
Maddə 7. “Mediasiya haqqında” Azərbaycan Respublikası Qanununun (Azərbaycan Respublikasının Qanunvericilik Toplusu, 2019, № 4, maddə 597 (Cild I); 2024, № 1, maddə 14; 2025, № 1, maddə 1, № 5, maddə 438) 26-cı maddəsində aşağıdakı dəyişikliklər edilsin:
7.1. 26.3-cü maddədə “müvafiq icra hakimiyyəti orqanının müəyyən etdiyi orqanın (qurumun)” sözləri “qəyyumluq və himayəçilik orqanının” sözləri ilə əvəz edilsin;
7.2. 26.4-cü və 26.5-ci maddələrdə “müvafiq icra hakimiyyəti orqanının müəyyən etdiyi orqana (quruma)” sözləri “qəyyumluq və himayəçilik orqanına” sözləri ilə əvəz edilsin.
İlham Əliyev
Azərbaycan Respublikasının Prezidenti
Bakı şəhəri, 10 oktyabr 2025-ci il.
