Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 17-ci bəndini rəhbər tutaraq qərara alır:
Azərbaycan Respublikasının Cinayət Məcəlləsində (Azərbaycan Respublikasının Qanunvericilik Toplusu, 2000, № 4 (II kitab), maddə 251 (Cild I); 2024, № 1, maddələr 8, 18, № 3, maddə 250, № 7, maddə 772, № 11, maddə 1189, № 12 (II kitab), maddələr 1330, 1350; 2025, № 1, maddə 1, № 2, maddələr 98, 99, № 3, maddələr 217, 221, № 4 (I kitab), maddə 322, № 5, maddə 434, № 6, maddə 538, № 7, maddələr 607, 626) aşağıdakı dəyişikliklər edilsin:
1. 73-2.2-ci maddədə “, 197, 198” rəqəmləri “–199” rəqəmləri ilə, “, 211, 212” rəqəmləri “–212” rəqəmləri ilə əvəz edilsin.
2. 193-1.1-ci maddənin sanksiyasında “dörd min manatdan səkkiz min manatadək miqdarda” sözləri “cinayətin predmetinin dəyərinin əlli faizindən yetmiş faizinədək miqdarında” sözləri ilə əvəz edilsin.
3. 199-cu maddə üzrə:
3.1. adı və 199.1-ci maddənin dispozisiyası aşağıdakı redaksiyada verilsin:
“Maddə 199. Rəqabəti məhdudlaşdırma
199.1. Rəqabət qanunvericiliyinin pozulması, yəni qanunla yol verilən hallar istisna olmaqla rəqabəti məhdudlaşdıran üfüqi və şaquli sazişlərin bağlanması, bu cür uyğunlaşdırılmış hərəkətlərin edilməsi və ya hökmran mövqedən sui-istifadə etmə, bu əməllər xeyli miqdarda ziyan vurmaqla və ya xeyli miqdarda gəlir əldə etməklə törədildikdə –”;
3.2. 199.2.4-cü maddədə hər iki halda “xeyli” sözü “külli” sözü ilə əvəz edilsin;
3.3. 199.3.3-cü maddəyə hər iki halda “külli” sözündən əvvəl “xüsusilə” sözü əlavə edilsin;
3.4. “Qeyd” hissəsinin 1-ci bəndi aşağıdakı redaksiyada verilsin:
“1. Bu Məcəllənin 199.1-ci maddəsində “xeyli miqdar” dedikdə iki yüz min manatdan yuxarı, lakin beş yüz min manatdan artıq olmayan məbləğ, 199.2.4-cü maddəsində “külli miqdar” dedikdə beş yüz min manatdan yuxarı, lakin bir milyon manatdan artıq olmayan məbləğ, 199.3.3-cü maddəsində isə “xüsusilə külli miqdar” dedikdə bir milyon manatdan yuxarı olan məbləğ başa düşülür.”.
İlham Əliyev
Azərbaycan Respublikasının Prezidenti
Bakı şəhəri, 31 oktyabr 2025-ci il
