"Şərq qapısı" qəzetinin kollektivindən, Naxçıvan, Azərbaycan

Hörmətli cənab Prezident,

Sizin 22 may 2025-ci il tarixli, Naxçıvan şəhərində yerləşən Möminə xatun türbəsinin bərpası və konservasiyası ilə bağlı imzaladığınız Sərəncamı böyük sevinc və dərin minnətdarlıq hissi ilə qarşıladıq.

Bu qədim abidənin qorunması və gələcək nəsillərə çatdırılması məqsədilə atdığınız bu mühüm addım, təkcə tarixi irsimizin mühafizəsi baxımından deyil, eyni zamanda milli kimliyimizin və mədəniyyətimizin daha da möhkəmləndirilməsi yönündə son dərəcə əhəmiyyətlidir. Möminə xatun türbəsi yalnız Naxçıvanın deyil, bütün Azərbaycan xalqının qürur mənbəyi, Şərq memarlığının nadir incilərindən biridir. Sizin bu qərarınızla bir daha sübut olundu ki, ölkəmizin zəngin irsi dövlət səviyyəsində yüksək diqqət və qayğı ilə əhatə olunur.

Biz – “Şərq qapısı” qəzetinin kollektivi olaraq, bu mühüm qərara görə Sizə dərin təşəkkürümüzü bildiririk. Qəzetimiz Möminə xatun türbəsinin tarixinin, bərpasının və onun əhəmiyyətinin ictimaiyyətə çatdırılması istiqamətində üzərinə düşən vəzifələri bundan sonra da məsuliyyətlə yerinə yetirəcəkdir.

Sizə möhkəm cansağlığı, Azərbaycanımızın inkişafı naminə gördüyünüz şərəfli işlərinizdə uğurlar arzulayırıq.

Dərin ehtiramla,

"Şərq qapısı" qəzetinin kollektivi

Azərbaycan Respublikası, Naxçıvan Muxtar Respublikası, Naxçıvan şəhəri.