Azərbaycan Respublikasının Prezidenti İlham Əliyev

Azərbaycan Respublikasının 2002-ci il 29 mart tarixli 283-IIQ nömrəli Qanunu ilə təsdiq edilmiş “Azərbaycan Respublikasının Dövlət Qulluğunu İdarəetmə Şurası haqqında Əsasnamə”də dəyişiklik edilməsi barədə Azərbaycan Respublikasının Qanunu

23 iyul 2024, 15:05

Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 19-cu bəndini rəhbər tutaraq qərara alır:

Azərbaycan Respublikasının 2002-ci il 29 mart tarixli 283-IIQ nömrəli Qanunu (Azərbaycan Respublikasının Qanunvericilik Toplusu, 2002, № 5, maddə 217 (Cild I) ilə təsdiq edilmiş “Azərbaycan Respublikasının Dövlət Qulluğunu İdarəetmə Şurası haqqında Əsasnamə”nin 2.1-ci maddəsində aşağıdakı dəyişikliklər edilsin:

1. 2.1.1-ci maddədə “formalaşdırılmasında” sözü “və dövlət qulluğu sahəsində dövlət siyasətinin formalaşdırılmasında və həyata keçirilməsində” sözləri ilə əvəz edilsin və həmin maddəyə “iştirak” sözündən sonra “edilməsi” sözü əlavə edilsin.

2. Aşağıdakı məzmunda 2.1.1-1-ci, 2.1.8-1-ci və 2.1.9-1-ci maddələr əlavə edilsin:

“2.1.1-1. dövlət qulluğu sahəsində qanunvericiliyin təkmilləşdirilməsinə dair təkliflər verilməsi;”;

“2.1.8-1. dövlət orqanlarının dövlət qulluğu ilə bağlı qanunsuz aktlarının ləğv edilməsi;”;

“2.1.9-1. Dövlət qulluqçularının reyestrinin aparılmasına nəzarət edilməsi.”.

3. 2.1.7-ci maddəyə “hazırlanması” sözündən sonra “, habelə dövlət qulluqçuları üçün hazırlanmış təlim strategiyasına razılıq verilməsi” sözləri əlavə edilsin.

4. 2.1.9-cu maddəyə “iştirak” sözündən sonra “edilməsi” sözü əlavə edilsin.

 

İlham Əliyev

Azərbaycan Respublikasının Prezidenti

Bakı şəhəri, 31 may 2024-cü il

SƏNƏDLƏR Məktublar 03 aprel 2025
20:12
Rusiya Federasiyasının Əmək qəhrəmanı, Rusiyanın İctimai Palatasının Bədən Tərbiyəsi, İdman və Sağlam Həyat Tərzi üzrə Komissiyasının sədri İrina Vinerdən Azərbaycan Respublikasının Prezidenti İlham Əliyevə Ramazan bayramı münasibətilə təbrik

Möhtərəm İlham Heydər oğlu.

Sizi Ramazan bayramı münasibətilə səmimi-qəlbdən təbrik edirəm. Müsəlmanlar üçün mühüm əhəmiyyətə malik bu bayram müqəddəs Ramazan ayının başa çatmasını simvolizə edir və İslam dünyasında ən çox...

03 aprel 2025, 20:12
SƏNƏDLƏR Məktublar 03 aprel 2025
20:10
Rusiya Federasiyasının Əmək qəhrəmanı, Rusiyanın İctimai Palatasının Bədən Tərbiyəsi, İdman və Sağlam Həyat Tərzi üzrə Komissiyasının sədri İrina Vinerdən Azərbaycan Respublikasının Prezidenti İlham Əliyevə Novruz bayramı münasibətilə təbrik

Hörmətli İlham Heydər oğlu.

Novruz bayramı münasibətilə Sizi ürəkdən təbrik edirəm. Bu bayram təbiətin oyanmasının, sülh, birlik və əmin-amanlıq yolunda insanlar arasında əlaqələrin möhkəmlənməsinin rəmzidir.

Ənənələrlə və dərin...

03 aprel 2025, 20:10
Digər yazılar