Azərbaycan Respublikasının Prezidenti İlham Əliyev

Birləşmiş Ərəb Əmirliklərinin Yəhudi Şurasının Baş ravvini Elie Abadiedən

11 may 2023, 20:10

Azərbaycan Respublikasının Prezidenti Zati-aliləri cənab İlham Əliyevə

Hörmətli Prezident Əliyev!

Azərbaycan xalqının Ümummilli Lideri Heydər Əliyevin anadan olmasının 100 illiyi münasibətilə Sizi təbrik etməkdən böyük qürur hissi keçirirəm.

Heydər Əliyev Azərbaycan dövlətini və xalqını tarixin çətin və sərt sınaqlarından xilas etdi. O, müstəqil ölkə yaradaraq onun parlaq gələcəyinə etibarlı bünövrə qoydu.

Heydər Əliyevin mədəniyyətlərarası və dinlərarası harmoniyaya əsaslanan strategiyası və siyasəti dünya ölkələri üçün nümunədir. Məhz həmin strategiyanın nəticəsində bugünkü Azərbaycan dini azadlığı olan, digər dinlərə hörmət edən, onları qəbul edən və bir çox dini icmanın sülh və dinc şəraitdə bir arada yaşadığı ölkəyə çevrilib.

Bu dahi şəxsiyyətin xatirəsinə dərin ehtiramımı bildirir və arzu edirəm ki, onun strategiyası öz xalqını və digər dünya ölkələrinin xalqlarını ilhamlandırmaqda davam etsin.

Cənab Prezident, Sizə öz xeyir-dualarımı çatdıraraq, möhkəm cansağlığı, uğurlar arzulayır, uzun illər Azərbaycana rəhbərlik etməyinizi diləyirəm.

Dərin hörmətlə,

Elie Abadie

Birləşmiş Ərəb Əmirliklərinin Yəhudi Şurasının Baş ravvini

SƏNƏDLƏR Fərmanlar 27 noyabr 2024
15:33
“Torpaq icarəsi haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2024-cü il 7 noyabr tarixli 66-VIIQD nömrəli Qanununun tətbiqi və bununla əlaqədar Azərbaycan Respublikası Prezidentinin bəzi fərmanlarında dəyişiklik edilməsi haqqında Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 19-cu və 32-ci bəndlərini rəhbər tutaraq, “Torpaq icarəsi haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2024-cü il 7...

27 noyabr 2024, 15:33
SƏNƏDLƏR Sərəncamlar 26 noyabr 2024
13:49
Azərbaycan Milli Elmlər Akademiyası (AMEA) Yüksək Texnologiyalar Parkının adının dəyişdirilməsi haqqında Azərbaycan Respublikası Prezidentinin Sərəncamı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:

1. Azərbaycan Milli Elmlər Akademiyası (AMEA) Yüksək Texnologiyalar Parkı Azərbaycan Respublikası Elm və Təhsil Nazirliyinin Yüksək...

26 noyabr 2024, 13:49
Digər yazılar