Azərbaycan Respublikasının Prezidenti İlham Əliyev

İsveçrənin Cenevrə şəhərinin baş ravvini İzhak Dayandan

11 may 2023, 20:43

Azərbaycan Respublikasının Prezidenti Zati-aliləri cənab İlham Əliyevə

Zati-aliləri, möhtərəm Prezident İlham Əliyev!

Əs-səlamu aleykum və rəhmətullahi və bərəkətuhu.

Müstəqil Azərbaycanın banisi Ulu Öndər Heydər Əliyevin əziz xatirəsinə ehtiram əlaməti olaraq onun anadan olmasının 100 illiyi münasibətilə Sizə və Azərbaycan xalqına ən səmimi təbriklərimi çatdırıram.

Zati-aliləri, son çıxışlarınızın birində çox gözəl vurğuladığınız kimi, “Heydər Əliyev həmişə Azərbaycan xalqının maraqlarını qoruyan bir şəxs olub və bunu zamana, siyasi vəziyyətə baxmayaraq edib. Sovet Azərbaycanı dönəmində hətta ideoloji əngəllər çərçivəsində Ulu Öndər Azərbaycan xalqının maraqlarını qoruyurdu, milli kimliyimizi saxlaya bilməyimiz üçün əlindən gələni etməyə çalışırdı”.

Cənab Prezident, Sizin müdrik liderliyiniz insanı valeh edir. Zati-aliniz bu gün Ulu Öndər Heydər Əliyevin missiyasını davam etdirir. Ulu Öndər Heydər Əliyevin əziz xatirəsini böyük ehtiramla yad edir və Zati-alinizə xalqınıza xidmət işində müdriklik və qüvvət diləyirəm.

Azərbaycan ilə İsrail arasında səmərəli münasibətlərin olmasına şahidlik etmək çox möhtəşəmdir və mən Avropa Ravvinləri Konfransının Daimi Komitəsinin vitse-prezidenti olaraq 2023-cü ilin noyabr ayında Azərbaycana edəcəyim səfərim zamanı Zati-alinizlə görüşməkdən şərəf hissi duyardım.

Sizinlə səmərəli müzakirələrimizi, ümumbəşəri dəyərlərlə bağlı fikir mübadiləsi aparmağımızı böyük səbirsizliklə gözləyirəm.

Zati-aliləri, Sizə ən yüksək hörmət və ehtiramımı qəbul etməyinizi xahiş edirəm.

Ən xoş arzularla qardaşınız,

Ravvin İzhak Dayan

İsveçrənin Cenevrə şəhərinin baş ravvini,

Avropa Ravvinləri Konfransının Daimi Komitəsinin

vitse-prezidenti

SƏNƏDLƏR Fərmanlar 27 noyabr 2024
15:33
“Torpaq icarəsi haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2024-cü il 7 noyabr tarixli 66-VIIQD nömrəli Qanununun tətbiqi və bununla əlaqədar Azərbaycan Respublikası Prezidentinin bəzi fərmanlarında dəyişiklik edilməsi haqqında Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 19-cu və 32-ci bəndlərini rəhbər tutaraq, “Torpaq icarəsi haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2024-cü il 7...

27 noyabr 2024, 15:33
SƏNƏDLƏR Sərəncamlar 26 noyabr 2024
13:49
Azərbaycan Milli Elmlər Akademiyası (AMEA) Yüksək Texnologiyalar Parkının adının dəyişdirilməsi haqqında Azərbaycan Respublikası Prezidentinin Sərəncamı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:

1. Azərbaycan Milli Elmlər Akademiyası (AMEA) Yüksək Texnologiyalar Parkı Azərbaycan Respublikası Elm və Təhsil Nazirliyinin Yüksək...

26 noyabr 2024, 13:49
Digər yazılar