Azərbaycan Respublikasının Prezidenti İlham Əliyev

Türk Dövlətləri Təşkilatının Baş katibi Kubanıçbek Ömüralıyevdən

24 dekabr 2022, 18:30

Azərbaycan Respublikasının Prezidenti Zati-aliləri cənab İlham Əliyevə

Möhtərəm cənab Prezident.

Türk Dövlətləri Təşkilatının Katibliyi adından və şəxsən öz adımdan doğum gününüz münasibətilə ən səmimi təbriklərimi qəbul etməyinizi xahiş edirəm.

Həyata keçirdiyiniz müstəqil, ardıcıl və qətiyyətli siyasət nəticəsində Azərbaycan Respublikası dünya ölkələri arasında nüfuzunu daha da möhkəmləndirmiş və regionumuzun aparıcı dövlətlərindən birinə çevrilmişdir.

Xüsusilə vurğulamaq istərdim ki, Sizin rəhbərliyiniz altında
44 günlük Vətən müharibəsi nəticəsində Azərbaycan torpaqlarının işğaldan azad edilməsi nəinki Azərbaycan, bütövlükdə Türk dövlətləri və xalqları üçün qürur mənbəyinə çevrilmiş və Türk birliyinin daha da güclənməsinə təkan vermişdir. Türk Dövlətləri Təşkilatının İstanbul Zirvə toplantısında Türk Dünyasının Ali Ordeni ilə təltif edilməyiniz Türk dövlətlərinin birliyinə verdiyiniz əvəzedilməz töhfənin, eləcə də xalqlarımızın və bütövlükdə Türk dünyasının Sizə olan böyük rəğbətinin göstəricisidir.

İnanıram ki, Türk Dövlətləri Təşkilatının təsisçiləri sırasında olan və təşkilat çərçivəsindəki təşəbbüslərdə xüsusi çəkiyə malik Azərbaycan Respublikası Türk dövlətləri arasında ortaq tarixə, dilə, mədəniyyətə, çoxəsrlik ənənələrə və qardaşlığa əsaslanan sıx əməkdaşlığa bundan sonra da töhfəsini verəcəkdir.

Zati-aliləri, bu əlamətdar gün münasibətilə Sizə və ailənizə möhkəm cansağlığı, ali dövləti fəaliyyətinizdə davamlı uğurlar arzulayır, qardaş Azərbaycan xalqına sülh və firavanlıq diləyirəm.

Dərin hörmətlə,

Kubanıçbek Ömüralıyev

Türk Dövlətləri Təşkilatının Baş katibi

SƏNƏDLƏR Fərmanlar 23 may 2025
14:20
“Azərbaycan Respublikasının Vergi Məcəlləsində dəyişiklik edilməsi haqqında” Azərbaycan Respublikasının 2025-ci il 1 may tarixli 190-VIIQD nömrəli Qanununun tətbiqi və “Azərbaycan Respublikası Vergi Məcəlləsinin təsdiq edilməsi, qüvvəyə minməsi və bununla bağlı hüquqi tənzimləmə məsələləri haqqında” Azərbaycan Respublikası Qanununun və bu Qanunla təsdiq edilmiş Azərbaycan Respublikası Vergi Məcəlləsinin tətbiq edilməsi barədə” Azərbaycan Respublikası Prezidentinin 2000-ci il 30 avqust tarixli 393 nömrəli Fərmanında dəyişiklik edilməsi haqqında Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 19-cu və 32-ci bəndlərini rəhbər tutaraq, “Azərbaycan Respublikasının Vergi Məcəlləsində dəyişiklik edilməsi haqqında” Azərbaycan Respublikasının 2025-ci il 1 may tarixli...

23 may 2025, 14:20
Digər yazılar