Gürcüstanın “Georgian Industrial Group” şirkətinin Direktorlar Şurasının sədri David Bejuaşvilidən və Direktorlar Şurasının üzvü Qela Bejuaşvilidən

06 yanvar 2022, 14:18

Azərbaycan Respublikasının Prezidenti Zati-aliləri cənab İlham Əliyevə

Hörmətli cənab Prezident.

İcazə verin, Sizi yubileyiniz münasibətilə ürəkdən təbrik edək. Sizə və ailənizə möhkəm cansağlığı, firavanlıq, daha güclü Azərbaycan naminə fəaliyyətinizdə uğurlar, tükənməz enerji arzulayırıq.

Biz uzun illərdir ki, dost və qardaş Azərbaycan xalqının uğurlarını sevinclə izləyirik. Ölkənin ərazi bütövlüyünün bərpasında xidmətləriniz tarixi əhəmiyyət kəsb edir. Ədalətin bərpası, layiqli sülhün əldə olunması Sizin liderliyinizin, əzmkarlığınızın nəticəsi, bütün Azərbaycan xalqının tarixi xidmətidir.

Biz Ümummilli Lider Heydər Əliyevin ölkənin qurulmasında, onun müasir, güclü və layiqli dövlətə çevrilməsində tarixi rolunu xatırlayır və yüksək qiymətləndiririk. Siz, cənab Prezident, ölkənin ərazi bütövlüyünü və tarixi ədaləti bərpa etməklə atanız Heydər Əliyevin arzusunu və həyatının amalını reallaşdırmağa nail oldunuz. Xalqınıza xidmətdə göstərdiyiniz cəsarət və qətiyyətə görə Sizə dərin ehtiramımızı bildiririk.

Azərbaycanın bundan sonra da dinc şəraitdə inkişaf etməsini arzulayırıq. Əminik ki, Sizin rəhbərliyinizlə Azərbaycan daim yeni uğurlar qazanacaq və işıqlı ümidlər, geniş imkanlar ölkəsi kimi qalacaqdır.

Yubileyiniz mübarək, hörmətli Prezident!

Bir daha Sizə və ailənizə ən xoş arzularımızı bildiririk.

Dərin hörmətlə,

David Bejuaşvili

Gürcüstanın “Georgian Industrial Group”

şirkətinin Direktorlar Şurasının sədri,

Qela Bejuaşvili

Direktorlar Şurasının üzvü

SƏNƏDLƏR Fərmanlar 28 mart 2024
14:39
“Avtomobil yolları haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2024-cü il 23 fevral tarixli 1101-VIQD nömrəli Qanununun tətbiqi və “Avtomobil yolları haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2000-ci il 10 mart tarixli 299 nömrəli Fərmanında dəyişiklik edilməsi haqqında Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 19-cu və 32-ci bəndlərini rəhbər tutaraq, “Avtomobil yolları haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2024-cü il 23...

28 mart 2024, 14:39
SƏNƏDLƏR Fərmanlar 27 mart 2024
14:10
Azərbaycan Respublikası Prezidentinin 2017-ci il 25 dekabr tarixli 1760 nömrəli Fərmanı ilə təsdiq edilmiş “Azərbaycan Respublikasının İpoteka və Kredit Zəmanət Fondunun Nizamnaməsi”ndə dəyişiklik edilməsi haqqında Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, “Qiymətli kağızlar bazarı haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2023-cü il 6 iyul...

27 mart 2024, 14:10