“Azərbaycan Respublikası Milli Məclisi deputatının statusu haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2021-ci il 3 dekabr tarixli 417-VIQD nömrəli Qanununun tətbiqi və “Azərbaycan Respublikası Milli Məclisi deputatının statusu haqqında” Azərbaycan Respublikasının Qanununa dəyişikliklər və əlavələr edilməsi barədə” Azərbaycan Respublikası Qanununun tətbiq edilməsi haqqında” Azərbaycan Respublikası Prezidentinin 2004-cü il 31 avqust tarixli 116 nömrəli Fərmanında dəyişiklik edilməsi barədə Azərbaycan Respublikası Prezidentinin Fərmanı

29 dekabr 2021, 19:08

Azərbaycan Respublikası Konstitusiyasının 109-cu maddəsinin 19-cu və 32-ci bəndlərini rəhbər tutaraq, “Azərbaycan Respublikası Milli Məclisi deputatının statusu haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2021-ci il 3 dekabr tarixli 417-VIQD nömrəli Qanununun qüvvəyə minməsi ilə əlaqədar həmin Qanunun tətbiqini təmin etmək məqsədilə qərara alıram:

1. Müəyyən edilsin ki:

1.1. “Azərbaycan Respublikası Milli Məclisi deputatının statusu haqqında” Azərbaycan Respublikası Qanununun 2-1-ci maddəsinin birinci hissəsinin üçüncü abzasında, 30-4-cü maddəsinin dördüncü hissəsində, 30-6-cı maddəsinin ikinci hissəsinin 1-ci və 2-ci bəndlərində, dördüncü hissəsinin 2-ci və 4-cü bəndlərində, beşinci hissəsinin 3-cü bəndində və yeddinci hissəsinin 5-ci bəndində, 30 7-ci maddəsinin birinci hissəsində, ikinci hissəsinin birinci və ikinci cümlələrində, 30-9-cu maddəsinin birinci və ikinci hissələrinin dördüncü abzaslarında və dördüncü hissəsində, 30-10-cu maddəsinin adında və mətnində (hər iki halda) və 30-11-ci maddəsinin birinci hissəsində nəzərdə tutulmuş müvafiq icra hakimiyyəti orqanının səlahiyyətlərini Azərbaycan Respublikasının Prezidenti həyata keçirir;

1.2. həmin Qanunun 30-9-cu maddəsinin ikinci hissəsinin dördüncü abzasında “orqan (qurum)” dedikdə Azərbaycan Respublikasının Prezidenti nəzərdə tutulur;

1.3. həmin Qanunun 30-4-cü maddəsinin dördüncü hissəsində, 30-6-cı maddəsinin yeddinci hissəsinin 5-ci bəndində, 30-7-ci maddəsinin birinci hissəsində, ikinci hissəsinin ikinci cümləsində, 30-9-cu maddəsinin birinci hissəsinin dördüncü abzasında və dördüncü hissəsində “orqan (qurum)” dedikdə Azərbaycan Respublikasının Nazirlər Kabineti nəzərdə tutulur;

1.4. həmin Qanunun 30-6-cı maddəsinin ikinci hissəsinin 1-ci və 2-ci bəndlərində, dördüncü hissəsinin 2-ci və 4-cü bəndlərində, beşinci hissəsinin 3-cü bəndində, 30-7-ci maddəsinin ikinci hissəsinin birinci cümləsində, 30-10-cu maddəsinin adında və mətnində (hər iki halda) və 30-11-ci maddəsinin birinci hissəsində “orqan (qurum)” dedikdə Azərbaycan Respublikasının Əmək və Əhalinin Sosial Müdafiəsi Nazirliyi nəzərdə tutulur;

1.5. həmin Qanunun 2-1-ci maddəsinin birinci hissəsinin üçüncü abzasında “orqan (qurum)” dedikdə Azərbaycan Respublikasının Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondu qismində Azərbaycan Respublikasının Əmək və Əhalinin Sosial Müdafiəsi Nazirliyi nəzərdə tutulur.

2. Azərbaycan Respublikasının Nazirlər Kabineti “Azərbaycan Respublikası Milli Məclisi deputatının statusu haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2021-ci il 3 dekabr tarixli 417-VIQD nömrəli Qanunundan irəli gələn məsələləri həll etsin.

3. “Azərbaycan Respublikası Milli Məclisi deputatının statusu haqqında” Azərbaycan Respublikasının Qanununa dəyişikliklər və əlavələr edilməsi barədə” Azərbaycan Respublikası Qanununun tətbiq edilməsi haqqında” Azərbaycan Respublikası Prezidentinin 2004-cü il 31 avqust tarixli 116 nömrəli Fərmanının (Azərbaycan Respublikasının Qanunvericilik Toplusu, 2004, № 8, maddə 624) 2-ci hissəsi aşağıdakı redaksiyada verilsin:

“2. Müəyyən edilsin ki:

2.1. “Azərbaycan Respublikası Milli Məclisi deputatının statusu haqqında” Azərbaycan Respublikası Qanununun 2-1-ci maddəsinin birinci hissəsinin üçüncü abzasında, 30-4-cü maddəsinin dördüncü hissəsində, 30-6-cı maddəsinin ikinci hissəsinin 1-ci və 2-ci bəndlərində, dördüncü hissəsinin 2-ci və 4-cü bəndlərində, beşinci hissəsinin 3-cü bəndində və yeddinci hissəsinin 5-ci bəndində, 30 7-ci maddəsinin birinci hissəsində, ikinci hissəsinin birinci və ikinci cümlələrində, 30-9-cu maddəsinin birinci və ikinci hissələrinin dördüncü abzaslarında və dördüncü hissəsində, 30-10-cu maddəsinin adında və mətnində (hər iki halda) və 30-11-ci maddəsinin birinci hissəsində nəzərdə tutulmuş müvafiq icra hakimiyyəti orqanının səlahiyyətlərini Azərbaycan Respublikasının Prezidenti həyata keçirir;

2.2. həmin Qanunun 30-9-cu maddəsinin ikinci hissəsinin dördüncü abzasında “orqan (qurum)” dedikdə Azərbaycan Respublikasının Prezidenti nəzərdə tutulur;

2.3. həmin Qanunun 30-4-cü maddəsinin dördüncü hissəsində, 30-6-cı maddəsinin yeddinci hissəsinin 5-ci bəndində, 30-7-ci maddəsinin birinci hissəsində, ikinci hissəsinin ikinci cümləsində, 30-9-cu maddəsinin birinci hissəsinin dördüncü abzasında və dördüncü hissəsində “orqan (qurum)” dedikdə Azərbaycan Respublikasının Nazirlər Kabineti nəzərdə tutulur;

2.4. həmin Qanunun 30-6-cı maddəsinin ikinci hissəsinin 1-ci və 2-ci bəndlərində, dördüncü hissəsinin 2-ci və 4-cü bəndlərində, beşinci hissəsinin 3-cü bəndində, 30-7-ci maddəsinin ikinci hissəsinin birinci cümləsində, 30-10-cu maddəsinin adında və mətnində (hər iki halda) və 30-11-ci maddəsinin birinci hissəsində “orqan (qurum)” dedikdə Azərbaycan Respublikasının Əmək və Əhalinin Sosial Müdafiəsi Nazirliyi nəzərdə tutulur;

2.5. həmin Qanunun 2-1-ci maddəsinin birinci hissəsinin üçüncü abzasında “orqan (qurum)” dedikdə Azərbaycan Respublikasının Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondu qismində Azərbaycan Respublikasının Əmək və Əhalinin Sosial Müdafiəsi Nazirliyi nəzərdə tutulur.”.

4. Bu Fərman 2022-ci il yanvarın 1-dən qüvvəyə minir.


İlham Əliyev

Azərbaycan Respublikasının Prezidenti

Bakı şəhəri, 29 dekabr 2021-ci il

SƏNƏDLƏR Müraciətlər 05 noyabr 2024
10:12
BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində “Dünya dinləri yaşıl planet uğrunda” şüarı altında keçirilən Dini Liderlərin Qlobal Sammitinin iştirakçılarına

Hörmətli Sammit iştirakçıları!

Sizi “Dünya dinləri yaşıl planet uğrunda” şüarı altında keçirilən Dini Liderlərin Qlobal Sammitinin açılışı münasibətilə Bakı şəhərində səmimi-qəlbdən salamlayıram.

Bu gün dünyamızın...

05 noyabr 2024, 10:12
SƏNƏDLƏR Sərəncamlar 04 noyabr 2024
13:00
C.H.Musayevin Naxçıvan Muxtar Respublikası Naxçıvan Şəhər İcra Hakimiyyətinin başçısı təyin edilməsi haqqında Azərbaycan Respublikası Prezidentinin Sərəncamı

Azərbaycan Respublikası Konstitusiyasının 141-ci maddəsini rəhbər tutaraq qərara alıram:                                        

Cabbar Hafiz oğlu Musayev Naxçıvan Muxtar Respublikası Naxçıvan Şəhər İcra Hakimiyyətinin...

04 noyabr 2024, 13:00