Azərbaycan Respublikası Prezidenti Zati-aliləri cənab İlham Əliyevə
Möhtərəm cənab Prezident,
Sizi - xalqımızın müzəffər Prezidenti, qüdrətli Ali Baş Komandan, güclü sərkərdə və diplomat, dünya şöhrətli siyasi və dövlət xadimini şərəfli 60 illik yubileyiniz münasibətilə ürəkdən təbrik edirəm. Sizə sağlam uzun ömür, ailə xoşbəxtliyi, çoxşaxəli ölkədaxili və beynəlxalq fəaliyyətinizdə yeni zirvələr fəth etməyi arzulayıram.
Hakimiyyətiniz dövründə həqiqətən hər bir azərbaycanlının Prezidenti olmaqla, dövlətimizin, ordumuzun gücləndirilməsində, insanların rifahının yüksəlməsində, əhalinin bütün qruplarının sosial, səhiyyə, təhsil, mədəniyyət və digər sahələrdə ehtiyaclarının təmin olunmasında ölçüyəgəlməz uğurlara nail oldunuz.
Həm daxili, həm də xarici müdrik, qətiyyətli, cəsarətli siyasətinizdə uğurlar sırasında xüsusi yer tutan, tariximizə yeni şanlı səhifələr yazmış 44 günlük Vətən müharibəsində, dünya hərb təcrübəsində ilk dəfə olaraq qəhrəman xalqımızı, rəşadətli ordumuzu dəmir yumruq kimi ətrafınızda sıx birləşdirərək möhtəşəm zəfər çalmaqla özünüzü dünyaya bir daha güclü siyasi, dövlət xadimi, diplomat kimi tanıtdınız, xalqımızın isə qəhrəman, sülhpərvər, humanist, böyük quruculuq enerjisinə malik olduğunu nümayiş etdirdiniz.
Müharibənin ilk günündən torpaqlarımızın azad olunması haqqında Sizə sonsuz inamı, etibarı, ümidi, məhəbbəti olan xalqımızı ruhlandırdınız, qəhrəmanlıqla, fədakarlıqla, vətənpərvərliklə döyüşən ordumuzu durmadan irəli, insanları coşqu ilə, Sizə minnətdarlıqla möhtəşəm, dünyada analoqu olmayan Zəfərə doğru apardınız.
Milli liderimiz Heydər Əliyevin inkişaf strategiyalarını müharibə şəraitində daha da inkişaf etdirdiniz, zənginləşdirdiniz, zahirən həllolunmaz görünən çətinlikləri aradan qaldırılmağı bacardınız, 30 il erməni vandallarının işğalında qalmış, darmadağın edilmiş torpaqlarımızı azad etdiniz və dünyaya müharibəyə son qoyulduğunu, Dağlıq Qarabağ məhfumunun artıq olmadığını, Qarabağın Azərbaycanın tərkib hissəsi olduğunu bəyan etdiniz.
Vətən müharibəsində Zəfərimizin yüksək əhəmiyyətli nəticələrini sadalamaqla bitməz. Ölkəmizin ərazi bütövlüyü bərpa edildi, ata-baba yurdu həsrəti ilə yaşayan məcburi köçkün soydaşlarımızın üzərindən bu ad götürüldü və onların öz torpaqlarına qayıtması ümidi çin oldu, kobudcasına pozulmuş hüquqları bərpa olundu.
Həm ölkədaxili, həm də beynəlxalq siyasətinizdə bir güclü şəxsiyyət kimi nailiyyətlərinizin kökündə Sizin zəngin genetik kökləriniz, çoxşaxəli fitri istedadınız, geniş intellektiniz, siyasi meydanda sərbəst şəkildə bir neçə dildə diskussiya aparmaq mədəniyyətiniz, ağır, ən çətin suallara bir anda dəqiq cavablar tapmaq bacarığınız Sizi dünyanın öndər liderləri sırasına çıxarıb.
Həmrəyliyin gücləndirilməsində müstəsna xidmətləriniz beynəlxalq arenada çox yüksək dəyərləndirilir və türk dövlətlərinin ən nüfuzlu ordeni ilə təltif olunmağınız bunu bir daha təsdiqləyir.
Sizi bu yubiley gününüzdə qarşıdan gələn 31 Dekabr – Dünya Azərbaycanlılarının Həmrəyliyi Günü və Yeni il münasibətilə təbrik edirəm. Bu il xalqımız üçün sülh, əmin-amanlıq, hərtərəfli inkişafda yeni nailiyyətlər ili olsun. Ailənizə uğurlar, xöşbəxtlik arzulayıram.
Hörmətlə,
Professor Elmira Süleymanovа
