"Yeni Zaman" partiyasının sədri Musa Ağayevdən

Azərbaycan Respublikasının Prezidenti Zati-aliləri cənab İlham Əliyevə

Hörmətli cənab Prezident.

Sizi 60 illik yubileyiniz münasibətilə səmimi qəlbdən təbrik edirəm. Sizə möhkəm cansağlığı və şəxsi həyatınızda xoşbəxtlik arzulayıram.

Cənab Prezident, Siz Azərbaycanın ayrılmaz hissəsi olan Qarabağımızı 30 illik işğaldan azad edən Ali Baş Komandan kimi tariximizə düşmüsünüz. Sizin Qarabağın azad edilməsində göstərdiyiniz fədakarlığı onun yenidən qurulmasında və çiçəklənməsində də davam etdirdiyinizi görürük.

Sizə Azərbaycan naminə bundan sonra da görəcəyiniz işlərinizdə uğurlar arzulayıram.

Hörmətli Prezident, Sizin ölkəmizdə bütün sahələrdə başladığınız islahatların bundan sonra da uğurla davam edəcəyinə ümid edirik.

Dərin hörmətlə,

Musa Ağayev

"Yeni Zaman" partiyasının sədri