Firəngiz Abdullayevadan, Bakı, Azərbaycan

Hörmətli cənab Prezident.

Sizi və Azərbaycan xalqını qısa zaman ərzində geri qaytarılmış torpaqlarımızın qələbəsi münasibətilə təbrik edirəm. Ordumuza və hərbi qulluqçularımıza göstərdiyi şücaətə və qəhrəmanlığa görə təşəkkür, Sizə isə Azərbaycan xalqına bəxş etdiyiniz sevincə görə “Əhsən” demək istəyirəm:

Döyüşdə düşmənlərə layiqincə dərs verən,

Od-alovun içində çox çətin yollar keçən,

Mətanətli, qürurlu, mərd Milli Ordumuza

Hər an uğur diləyək, onlara alqış deyək.

Düşmənlərə kəsərli söz gülləsi tuşlayan,

İşıqlı gələcəyə inamla addım atan,

Yolumuza mayaktək işıq saçan İlhamın,

Adı kimi özü də Mehriban anamızın

Səslərinə səs verək, onlara dəstək verək,

Hərbi sirri gizlədək, qaçqın, köçkün damğasını

Üstümüzdən atmaq üçün, səbr, təmkin göstərək,

Ordunu dəstəkləyək, Qarabağa tez gedək.

12 noyabr Dövlət Bayrağı günündə

Kimliyimiz, mənliyimiz, qürur mənbəyimiz

Üçrəngli bayrağımızı Qarabağımızda

Sevinclə, iftixarla öyünərək yelləyək,

Heydər oğlu İlhama birlikdə əhsən deyək!

El-obanı, milləti, işğal torpaqlarını,

Doğma yurd yerlərini, şəhid məzarlarını

Sevindirək, güldürək, gül-çiçəyə bürüyək.

Heydər oğlu İlhama birlikdə əhsən deyək!

Bu dəhşətil günlərdə, od-alovun içində

Daş-kəsəyin üstündə minalı yollar keçən

Biz Milli Ordumuza - igid, nər oğullara

Birlikdə əhsən deyək, cansağlığı diləyək!

Rühu bizimlə olan, uğurlara sevinən

Əbədiyyət ulduzları, o ölməz şəhidləri

Hər gün, hər an yad edək, onlara rəhmət deyək.

Qələbə! - bu əziz gün uzaqda deyil daha,

Çağırışa əməl edək, hərbi sirri verməyək

Tezliklə İlhama, Ərdoğana, el-obaya,

Milli ordumuza, vətən oğullarına

Gözaydınlığı verək, can sağlığı diləyək.

Hər bölgədə, hər eldə şəhid məzarlarını

Gül-çiçəyə bürüyək, onlara rəhmət deyək,

Heydər oğlu İlhama, dost, qardaş Ərdoğana

Birlikdə “Gözünüz aydın” deyək, onlara əhsən deyək!

Xeyli vaxt torpaqları işğal altda inləyən,

Çox ağır “köçkün” damğası ilə yüklənən,

Ağdamlılar adından Heydər oğlu İlhama

Türk başqanı, qardaşımız, dost Ərdoğana

Yaşa yüz ömür, deyək, onlara “əhsən” deyək!

Hörmətlə,

Firəngiz Abdullayeva

Ağdamdan məcburi köçkün, Əmakdar müəllim, Xalq təhsili əlaçısı, “Ən yaxşı müəllim” müsabiqəsinin qalibi, 32 nömrəli Ağdam orta məktəbinin müəllimi

Azərbaycan Respublikası, Bakı şəhəri.