Azərbaycan Respublikasının Prezidenti İlham Əliyev

Almaniya Federativ Respublikasının Prezidenti Frank-Valter Ştaynmayerdən

21 may 2020, 16:25

Azərbaycan Respublikasının Prezidenti Zati-aliləri cənab İlham Əliyevə

Cənab Prezident.

Respublika Günü münasibətilə Sizə və Azərbaycan xalqına həm şəxsən öz adımdan, həm də xalqımın adından səmimi təbriklərimi çatdırıram.

Milli bayramınız bu il xüsusilə çətin şəraitdə qeyd edilir. Ümid edirəm ki, koronavirus böhranının böyük çağırışlarının öhdəsindən birgə qlobal səylərimizlə gələ biləcəyik.

Biz son 28 ildə ikitərəfli münasibətlərimizin çox müsbət inkişafını müşahidə etdik. Ümid edirik ki, iqtisadi və sosial islahatlar kursu əməkdaşlığımız üçün növbəti perspektivlər açacaqdır. Mənim ölkəm bütün səviyyələrdə şəxsi söhbətlər və səfərlər vasitəsilə Azərbaycanla bu sıx münasibətlərin davam etdirilməsini və dərinləşdirilməsini həvəslə gözləyir.

Sizə və xalqınıza, ilk növbədə, cansağlığı, sülh və əmin-amanlıq arzulayıram.

Hörmətlə,

Frank-Valter Ştaynmayer

Almaniya Federativ Respublikasının Prezidenti

SƏNƏDLƏR Bəyanatlar 12 noyabr 2026
22:55
Azərbaycan Respublikası ilə Böyük Britaniya və Şimali İrlandiya Birləşmiş Krallığı arasında Strateji Tərəfdaşlıq haqqında Birgə Bəyannamə

Azərbaycan Respublikası və Böyük Britaniya və Şimali İrlandiya Birləşmiş Krallığı (bundan sonra “İştirakçılar” adlandırılacaq)

İki ölkə arasında uzunmüddətli münasibətlərə əsaslanaraq və 1994-cü il 23 fevral tarixli Dostluq və Əməkdaşlıq haqqında Birgə Bəyannaməni və...

12 noyabr 2026, 22:55
Digər yazılar