Ümumrusiya Bədii Gimnastika Federasiyasının prezidenti İrina Viner-Usmanovadan

Azərbaycan Respublikasının Birinci vitse-prezidenti, Azərbaycan Gimnastika Federasiyasının prezidenti Zati-aliləri xanım Mehriban Əliyevaya

Əziz və möhtərəm Mehriban xanım.

İcazə verin, Sizi ad gününüz münasibətilə təbrik edim. Bu gözəl gün Sizin, ailənizin və bütün Azərbaycanın bayramıdır.

Ümumrusiya Bədii Gimnastika Federasiyası və şəxsən mən gözəl və nəcib qadın, böyük xeyirxah ürəyə malik görkəmli ictimai xadim kimi Sizə heyranıq. Sizin sözləriniz, düşüncələriniz, işləriniz, ünsiyyətləriniz və simanız Azərbaycan Prezidentinin obrazını və gözəl ölkənizi çox yaxşı tamamlayır.

Sizin əzmkar iradəniz və bütün gücünüzü ictimai fəaliyyətə və insanlara köməyə həsr etmək kimi çox yüksək bacarığınız, hər bir həyati vəziyyətdə öz prinsiplərinizə sədaqətiniz, bizim hər bir çempionumuzun da düşündüyü kimi qazanılan uğurlarla kifayətlənməmək keyfiyyətiniz səmimi ehtiram hissi doğurur.

Sizin sayənizdə Azərbaycanda idman inkişaf edir, qaliblərə layiqli şəraitdə məşq edən milli idmançılar isə ən iri dünya yarışlarında medallar qazanaraq sevimli ölkələrinə şöhrət gətirirlər.

Sizi səmimi qəlbdən təbrik edir və Sizə və yaxınlarınıza möhkəm cansağlığı, böyük xoşbəxtlik, ruh yüksəkliyi, gözəllik, tükənməz enerji, hər şeyin ən yaxşısını arzulayırıq.

Böyük ehtiram və sevgi ilə,

İrina Viner-Usmanova

Ümumrusiya Bədii Gimnastika Federasiyasının prezidenti