Azərbaycan Respublikasının Prezidenti İlham Əliyev

Fransa Milli Assambleyasının Fransa-Azərbaycan dostluq qrupunun rəhbəri Pyer Alen Rafandan

22 may 2018, 18:53

Azərbaycan Respublikasının Prezidenti Zati-aliləri cənab İlham Əliyevə

Cənab Prezident.

Azərbaycan Xalq Cümhuriyyətinin 100 illiyi ərəfəsində keçirilən prezident seçkilərində inamlı qələbəniz münasibətilə Sizi Fransa Milli Assambleyasının Fransa-Azərbaycan dostluq qrupunun üzvləri adından təbrik etməkdən məmnunluq duyuram.

Əminik ki, prezidentliyinizin dördüncü dönəmində Azərbaycan Respublikası ilə Fransa Respublikası arasında bütün sahələrdə, o cümlədən ümumi təhlükəsizliyin möhkəmləndirilməsi, terrorizmə qarşı mübarizə, Dağlıq Qarabağ münaqişəsinin beynəlxalq hüququn norma və prinsipləri çərçivəsində həlli yollarının axtarılması, gələcək strateji tərəfdaşlığa dair saziş çərçivəsində Azərbaycan ilə Avropa İttifaqı arasında əlaqələrin genişləndirilməsi, sərmayə qoyuluşunun və enerji mübadiləsinin, ikitərəfli mədəni əlaqələrin inkişafı, frankofoniyanın təbliği və digər istiqamətlərdə dostluq münasibətləri daha da güclənəcək.

Cənab Prezident, ən dərin ehtiramımı qəbul etməyinizi xahiş edirəm.

Hörmətlə,

Pyer Alen Rafan

Fransa Milli Assambleyasının Fransa-Azərbaycan dostluq qrupunun rəhbəri

SƏNƏDLƏR Fərmanlar 09 may 2025
10:56
“Baytarlıq haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2025-ci il 22 aprel tarixli 185-VIIQD nömrəli Qanununun tətbiqi və bununla əlaqədar Azərbaycan Respublikası Prezidentinin bəzi fərmanlarında dəyişiklik edilməsi haqqında Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 19-cu və 32-ci bəndlərini rəhbər tutaraq, “Baytarlıq haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2025-ci il 22 aprel...

09 may 2025, 10:56
Digər yazılar