Azərbaycan Respublikasının Prezidenti İlham Əliyev

Türkiyə Respublikasının Baş naziri Binəli Yıldırımdan

27 dekabr 2016, 15:05

Azərbaycan Respublikasının Prezidenti Zati-aliləri cənab İlham Əliyevə

Hörmətli Prezident, əziz Qardaşım.

Ad günüm münasibətilə göndərdiyiniz səmimi təbrik məktubunuza və gözəl arzularınıza görə Sizə ürəkdən təşəkkür edirəm.

Strateji tərəfdaşlıq səviyyəsində inkişaf edən əməkdaşlığımız qardaşlıq əlaqələrimizi möhkəmləndirməkdə, ikitərəfli münasibətlərimizlə birlikdə regional rifah və sabitliyə öz töhfəsini verməkdədir. Əlaqələrimizin qarşıdakı dövrdə də bütün sahələrdə daha da inkişaf edəcəyinə ürəkdən inanır, bunun üçün əlimdən gələn bütün səyləri göstərməyə davam edəcəyimi diqqətinizə çatdırmaq istəyirəm.

Fürsətdən istifadə edərək, dekabrın 24-nə təsadüf edən doğum gününüzü ən səmimi hisslərlə təbrik edir, Sizə möhkəm cansağlığı və xoşbəxtlik diləyir, qardaş Azərbaycanın rifahı üçün gördüyünüz işlərdə müvəffəqiyyətlər arzulayıram.

 

Hörmətlə,

Binəli Yıldırım

Türkiyə Respublikasının Baş naziri

SƏNƏDLƏR Bəyanatlar 12 noyabr 2026
22:55
Azərbaycan Respublikası ilə Böyük Britaniya və Şimali İrlandiya Birləşmiş Krallığı arasında Strateji Tərəfdaşlıq haqqında Birgə Bəyannamə

Azərbaycan Respublikası və Böyük Britaniya və Şimali İrlandiya Birləşmiş Krallığı (bundan sonra “İştirakçılar” adlandırılacaq)

İki ölkə arasında uzunmüddətli münasibətlərə əsaslanaraq və 1994-cü il 23 fevral tarixli Dostluq və Əməkdaşlıq haqqında Birgə Bəyannaməni və...

12 noyabr 2026, 22:55
Digər yazılar