Azərbaycan Respublikasının Milli Məclisi qərara alır:
I. “İnformasiya, informasiyalaşdırma və informasiyanın mühafizəsi haqqında” Azərbaycan Respublikasının Qanununa (Azərbaycan Respublikasının Qanunvericilik Toplusu, 1998-ci il, № 6, maddə 364; 2005-ci il, № 6, maddə 466; 2006-cı il, № 12, maddə 1005; 2007-ci il, № 10, maddə 938) aşağıdakı əlavələr və dəyişikliklər edilsin:
1. 2-ci maddənin beşinci abzasında “məhdudiyyət qoyulan” sözlərindən sonra “məlumatlar, habelə” sözləri əlavə edilsin, “, habelə fərdi məlumatlar” sözləri çıxarılsın.
2. 10-cu maddənin ikinci hissəsində:
2.1. ikinci cümlədən “, habelə fərdi məlumatlar” sözləri çıxarılsın;
2.2. aşağıdakı məzmunda üçüncü cümlə əlavə edilsin:
“Fərdi məlumatlar daxilolma (əldə olunma) növünə görə konfidensial və açıq kateqoriyalara bölünür. ”.
II. “Məlumat azadlığı haqqında” Azərbaycan Respublikasının Qanununa (Azərbaycan Respublikasının Qanunvericilik Toplusu, 1998-ci il, № 9, maddə 561; 2000-ci il, № 3, I kitab, maddə 136; 2003-cü il, № 4, maddə 178; 2004-cü il, № 3, maddə 133; 2006-cı il, № 12, maddə 1005; 2010-cu il, № 3, maddə 172) aşağıdakı əlavələr və dəyişiklik edilsin:
1. 13-cü maddənin adında “məlumat” sözündən sonra “(fərdi məlumat)” sözləri əlavə edilsin.
2. 14-cü maddədə:
2.1 birinci hissənin birinci cümləsində “toplanır” sözündən sonra “, işlənir və mühafizə olunur” sözləri əlavə edilsin;
2.2. üçüncü-altıncı hissələr müvafiq olaraq dördüncü-yeddinci hissələr hesab edilsin, maddəyə aşağıdakı məzmunda üçüncü hissə əlavə edilsin:
“Şəxsiyyətin onun haqqında məlumatların toplanılması ilə bağlı “Fərdi məlumatlar haqqında” Azərbaycan Respublikasının Qanununa müvafiq digər hüquqları da vardır.”.
III. Azərbaycan Respublikasının İnzibati Xətalar Məcəlləsinə (Azərbaycan Respublikasının Qanunvericilik Toplusu, 2000-ci il, № 8, I kitab, maddə 584; 2001-ci il, № 1, maddə 24, № 3, maddə 139, № 7, maddə 455, № 11, maddələr 680, 698, № 12, maddə 731; 2002-ci il, № 1, maddə 9, № 4, I kitab, maddə 165, № 5, maddələr 234, 237, 239, № 6, maddə 326, № 8, maddə 463, № 12, maddə 692; 2003-cü il, № 1, maddələr 3, 13, 23, № 4, maddələr 177, 178, № 5, maddə 228, № 6, maddələr 257, 276, 279, № 8, maddələr 407, 425, № 12, I kitab, maddələr 676, 696, II kitab, maddələr 713, 714; 2004-cü il, № 1, maddələr 6, 7, 10, 13, № 4, maddələr 200, 201, 204, № 5, maddələr 313, 314, 317, 321, № 6, maddə 397, № 8, maddələr 596, 597, № 10, maddələr 762, 779, № 11, maddə 900, № 12, maddə 973; 2005-ci il, № 1, maddələr 5, 6, № 2, maddə 61, № 4, maddələr 272, 273, 275, 278, № 6, maddələr 462, 466, № 7, maddə 576, № 8, maddələr 691, 692, № 10, maddələr 875, 877, 904, № 11, maddələr 993, 994, 995, № 12, maddələr 1083, 1085; 2006-cı il, № 2, maddələr 64, 68, № 3, maddələr 219, 220, 223, 225, № 5, maddə 385, № 6, maddə 478, № 11, maddələr 923, 924, 932, № 12, maddələr 1005, 1020, 1024; 2007-ci il, № 1, maddələr 3, 4, № 2, maddələr 65, 68, № 5, maddələr 397, 398, 401, 440, № 6, maddələr 560, 561, 562, 579, № 8, maddə 757, № 10, maddələr 935, 936, 938, 940, № 11, maddələr 1048, 1049, 1053, 1070, 1077, 1080, 1089, 1091, № 12, maddələr 1195, 1211, 1217, 1218, 1221; 2008-ci il, № 2, maddə 47, № 3, maddələr 146, 152, 159, № 4, maddə 249, № 5, maddə 340, № 6, maddələr 454, 460, 461, 464, № 7, maddələr 601, 602, 605, № 8, maddələr 699, 701, № 10, maddələr 884, 885, № 11, maddələr 956, 957, № 12, maddələr 1045, 1047, 1049; 2009-cu il, № 2, maddələr 36, 45, 49, 52, 53, № 5, maddələr 309, 315, № 6, maddələr 404, 405, № 7, maddələr 517, 518, 519, № 8, maddə 611, № 12, maddələr 953, 954, 966, 971; 2010-cu il, № 2, maddələr 70, 71, № 3, maddələr 167, 171, 178, № 4, maddələr 275, 276, № 5, maddələr 379, 380, № 6, maddə 483, №7, maddələr 577, 591, 594, 595, 598, 600; Azərbaycan Respublikasının 2010-cu il 30 sentyabr tarixli 1078-IIIQD nömrəli Qanunu) aşağıdakı məzmunda 181-4-cü maddə əlavə edilsin:
“Maddə 181-4. Fərdi məlumatlar haqqında qanunvericiliyin pozulması
181-4.0. Fərdi məlumatlar haqqında qanunvericiliyin pozulmasına, yəni:
181-4.0.1. fərdi məlumatlar haqqında qanunvericiliklə dövlət qeydiyyatı tələb olunan, lakin dövlət qeydiyyatından keçməyən informasiya sistemində fərdi məlumatların toplanılmasına və ya işlənilməsinə;
181-4.0.2. fərdi məlumatların mülkiyyətçisi və ya operatoru tərəfindən fərdi məlumatların mühafizəsinin təmin olunmamasına, fərdi məlumatlar haqqında qanunvericiliklə tələb olunduğu hallarda və müddətlərdə fərdi məlumatların məhv edilməməsinə, yaxud fərdi məlumatların toplanılmasının, işlənilməsinin və ya verilməsinin dayandırılmamasına görə –
üç yüz manatdan beş yüz manatadək miqdarında cərimə edilir.”.
IV. “İnformasiya əldə etmək haqqında” Azərbaycan Respublikasının Qanununa (Azərbaycan Respublikasının Qanunvericilik Toplusu, 2005-ci il, № 12, maddə 1080; 2007-ci il, № 8, maddə 756; 2010-cu il, № 3, maddələr 171, 172) aşağıdakı əlavələr və dəyişikliklər edilsin:
1. 8.3-cü maddədə “bu Qanunun” sözlərindən sonra “və “Fərdi məlumatlar haqqında” Azərbaycan Respublikası Qanununun” sözləri əlavə edilsin.
2. 15.3-cü maddəyə aşağıdakı məzmunda ikinci cümlə əlavə edilsin:
“Fərdi məlumatların verilməsi “Fərdi məlumatlar haqqında” Azərbaycan Respublikasının Qanununa müvafiq həyata keçirilir.”.
3. 34.4-cü maddədən “, habelə fərdi məlumatlar” sözləri çıxarılsın və həmin maddəyə aşağıdakı məzmunda ikinci cümlə əlavə edilsin:
“Fərdi məlumatlar daxilolma (əldə olunma) növünə görə konfidensial və açıq kateqoriyalara bölünür.”.
4. 38.2.1-ci maddədə “dini etiqadları” sözlərindən sonra “, əqidələri” sözü əlavə edilsin.
5. aşağıdakı məzmunda 38.2.3-1-ci maddə əlavə edilsin:
“38.2.3-1. şəxsin məhkumluğu barədə məlumatlar;”.
6. 38.4-cü maddədə “Fərdi məlumatlar” sözləri “Bu maddədə göstərilən fərdi məlumatlar” sözləri ilə əvəz edilsin.
V. “Azərbaycan Respublikası Əhalisinin Dövlət Reyestri haqqında” Azərbaycan Respublikasının Qanununa (Azərbaycan Respublikasının Qanunvericilik Toplusu, 2006‑cı il, № 6, maddə 477; 2008-ci il, № 10, maddə 886; 2009-cu il, № 12, maddə 966; Azərbaycan Respublikasının 2010-cu il 30 sentyabr tarixli 1077-IIIQD nömrəli Qanunu) aşağıdakı əlavələr edilsin:
1. 3-cü maddədə “Elektron imza və elektron sənəd haqqında” sözlərindən sonra “, “Fərdi məlumatlar haqqında” sözləri əlavə edilsin.
2. 10.1-ci maddəyə aşağıdakı məzmunda ikinci cümlə əlavə edilsin:
“Dövlət Reyestrindən məlumatların verilməsi “Fərdi məlumatlar haqqında” Azərbaycan Respublikası Qanununun tələbləri nəzərə alınmaqla həyata keçirilir.”.
İlham Əliyev
Azərbaycan Respublikasının Prezidenti
Bakı şəhəri, 30 dekabr 2010-cu il.
