Azərbaycanın Belqraddakı Mədəniyyət Mərkəzinin sədri Zərifə Əlizadədən

28 dekabr 2013, 16:40

Hörmətli cənab Prezident,

Sizi doğum gününüz münasibətilə Azərbaycanın Belqraddakı Mədəniyyət Mərkəzinin kollektivi adından və şəxsən öz adımdan səmimi qəlbdən təbrik edir, ən xoş arzularımızı çatdırırıq.

Ümummilli lider Heydər Əliyevin əsasını qoyduğu və müəyyənləşdirdiyi dövlətçilik strategiyasının Sizin tərəfinizdən uğurla davam etdirilməsi Azərbaycanın hərtərəfli və dinamik inkişafını təmin etmişdir. Bu gün ölkəmizdə həyata keçirilən islahatlar və müxtəlif sahələrdə aparılan quruculuq işləri, siyasi sabitlik doğma Azərbaycanımızı daha da qüdrətləndirir. Məhz bu strategiyanın nəticəsidir ki, əldə olunmuş nailiyyətlər, eyni zamanda, beynəlxalq müstəvidə mövqelərimizin möhkəmlənməsi və ölkəmizin dünya birliyində layiqli yer tutması ilə müşahidə olunmaqdadır.

Azərbaycan ilə bağlı tarixi həqiqətlərin, müstəqillik dövrünün uğurlarının beynəlxalq aləmdə, o cümlədən Balkanlarda təbliğ olunması naminə Mərkəzimizin apardığı fəaliyyət Sizin qətiyyətli və çevik xarici siyasət kursunuzdan ilham alır.

Möhtərəm cənab Prezident, ad gününüz münasibətilə bir daha Sizə uzun ömür, möhkəm cansağlığı, Azərbaycanımızın tərəqqisi naminə yorulmaz fəaliyyətinizdə uğurlar diləyirik.

Dərin hörmət və ehtiramla,

Zərifə Əlizadə

Azərbaycanın Belqraddakı
Mədəniyyət Mərkəzinin sədri

SƏNƏDLƏR Bəyanatlar 12 noyabr 2026
22:55
Azərbaycan Respublikası ilə Böyük Britaniya və Şimali İrlandiya Birləşmiş Krallığı arasında Strateji Tərəfdaşlıq haqqında Birgə Bəyannamə

Azərbaycan Respublikası və Böyük Britaniya və Şimali İrlandiya Birləşmiş Krallığı (bundan sonra “İştirakçılar” adlandırılacaq)

İki ölkə arasında uzunmüddətli münasibətlərə əsaslanaraq və 1994-cü il 23 fevral tarixli Dostluq və Əməkdaşlıq haqqında Birgə Bəyannaməni və...

12 noyabr 2026, 22:55