Türkdilli Dövlətlərin Əməkdaşlıq Şurasının baş katibi Xəlil Akıncıdan

26 dekabr 2013, 13:00

Hörmətli cənab Prezident,

Doğum gününüz münasibətilə Sizə Türkdilli Dövlətlərin Əməkdaşlıq Şurasının Katibliyi adından və şəxsən öz adımdan səmimi qəlbdən təbriklərimi çatdırmaqdan böyük məmnunluq hissi duyuram.

Sizin güclü liderliyiniz sayəsində Azərbaycan Respublikasının hərtərəfli inkişafı, beynəlxalq aləmdə nüfuzunun möhkəmlənməsi bütün türk xalqlarını qürurlandırır.

Azərbaycanın durmadan artan nüfuzu türk birliyini və həmrəyliyini qarşıdakı illərdə daha da möhkəmlətmək haqqında hamımızda bir düşüncə yaratmaqla yanaşı, bunun uğrunda çalışan hər kəsə böyük qətiyyət və cəsarət təlqin etməkdədir.

Üzərində böyük əməyinizin olduğu Türkdilli Dövlətlərin Əməkdaşlıq Şurası da bu yöndəki fəaliyyətində Sizin tövsiyələriniz və dəstəyiniz sayəsində öz yoluna inamlı addımlarla davam edəcəkdir.

Bu xoş fürsətdən istifadə edərək Sizə möhkəm cansağlığı, xoşbəxtlik arzu edir, Azərbaycan xalqına və bütün türk dünyasına firavanlıq diləyirəm.

Dərin hörmətlə,

Xəlil Akıncı

Türkdilli Dövlətlərin Əməkdaşlıq Şurasının
baş katibi

SƏNƏDLƏR Bəyanatlar 12 noyabr 2026
22:55
Azərbaycan Respublikası ilə Böyük Britaniya və Şimali İrlandiya Birləşmiş Krallığı arasında Strateji Tərəfdaşlıq haqqında Birgə Bəyannamə

Azərbaycan Respublikası və Böyük Britaniya və Şimali İrlandiya Birləşmiş Krallığı (bundan sonra “İştirakçılar” adlandırılacaq)

İki ölkə arasında uzunmüddətli münasibətlərə əsaslanaraq və 1994-cü il 23 fevral tarixli Dostluq və Əməkdaşlıq haqqında Birgə Bəyannaməni və...

12 noyabr 2026, 22:55