Bəhreynin Kralı Həməd bin İsa Al Xəlifədən

25 noyabr 2013, 16:40

Zati-aliləri,

Yenidən dost Azərbaycan Respublikasının Prezidenti seçilməyiniz münasibətilə Sizə Bəhreyn xalqı, hökuməti adından və şəxsən öz adımdan ən səmimi təbriklərimi, xoş arzularımı çatdırmaqdan şərəf duyuram.

Xalqınızın bu seçimi ölkənizin parlaq gələcəyi naminə rəhbərliyinizə olan inamın əyani göstəricisidir. Növbəti prezidentliyiniz dövründə daha da böyük uğurlara nail olacağınıza və xalqınızın öz arzularına çatacağına ümid edir, Sizə möhkəm cansağlığı və səadət, Azərbaycan xalqına isə davamlı tərəqqi və firavanlıq arzu edirəm.

Dərin hörmət və yüksək ehtiramla,

Həməd bin İsa Al Xəlifə

Bəhreynin Kralı

SƏNƏDLƏR Bəyanatlar 12 noyabr 2026
22:55
Azərbaycan Respublikası ilə Böyük Britaniya və Şimali İrlandiya Birləşmiş Krallığı arasında Strateji Tərəfdaşlıq haqqında Birgə Bəyannamə

Azərbaycan Respublikası və Böyük Britaniya və Şimali İrlandiya Birləşmiş Krallığı (bundan sonra “İştirakçılar” adlandırılacaq)

İki ölkə arasında uzunmüddətli münasibətlərə əsaslanaraq və 1994-cü il 23 fevral tarixli Dostluq və Əməkdaşlıq haqqında Birgə Bəyannaməni və...

12 noyabr 2026, 22:55