Ümumrusiya Azərbaycan Konqresi Murmansk bölməsinin rəhbəri, Rusiya Federasiyasının Murmansk Vilayət İctimai Palatasının üzvü Afil Hüseynovdan

14 noyabr 2013, 15:15

Hörmətli cənab Prezident,

Yenidən Azərbaycan Respublikasının Prezidenti seçilməyiniz münasibətilə Sizi öz adımdan və diasporumuz adından səmimi qəlbdən təbrik edir, bu möhtəşəm qələbədən qürur hissi duyduğumuzu bildiririk.

Sizin Azərbaycan Respublikasının Prezidenti kimi fəaliyyətiniz illərində diaspor quruculuğuna verdiyiniz önəm ulu öndər Heydər Əliyev ideyalarının davamının və Sizin bu ideyalara sadiqliyinizin ən bariz nümunəsidir.

Əminik ki, Azərbaycanın Rusiyadakı diasporu Sizin rəhbərliyinizlə bundan sonra da sürətlə inkişaf edəcəkdir.

Hörmətli cənab Prezident, diasporumuzun çoxsaylı üzvləri Sizin fəaliyyətinizi həmişə yüksək qiymətləndirmişdir. Ölkəmizin inkişafı yolunda Sizin gördüyünüz və qarşıdakı illərdə görəcəyiniz işləri tam dəstəkləməklə yanaşı, həyata keçirəcəyiniz quruculuq işlərində Sizin ən yaxın köməkçiniz olacağımızı bildiririk.

Siz ötən on ildə ümummilli lider Heydər Əliyevin siyasi xəttini uğurla davam etdirərək doğma vətənimiz Azərbaycanı bölgənin lider dövlətinə, beynəlxalq aləmdə nüfuz və söz sahibinə çevirmisiniz. Azərbaycan Sizi sevən insanların gözləri qarşısında sürətlə inkişaf edir. Əminik ki, bu inkişafı qarşıdakı beş ildə də davam etdirəcəksiniz.

Bu xoş fürsətdən istifadə edərək, Sizə möhkəm cansağlığı, həyat eşqi, ali dövləti vəzifənizdə böyük uğurlar, Sizin şəxsinizdə xalqımıza xoşbəxtlik, sülh və tərəqqi arzulayıram.

Dərin hörmət və ehtiramla,

Afil Hüseynov

Ümumrusiya Azərbaycan Konqresi Murmansk bölməsinin rəhbəri,

Rusiya Federasiyasının Murmansk Vilayət İctimai Palatasının üzvü

SƏNƏDLƏR Bəyanatlar 12 noyabr 2026
22:55
Azərbaycan Respublikası ilə Böyük Britaniya və Şimali İrlandiya Birləşmiş Krallığı arasında Strateji Tərəfdaşlıq haqqında Birgə Bəyannamə

Azərbaycan Respublikası və Böyük Britaniya və Şimali İrlandiya Birləşmiş Krallığı (bundan sonra “İştirakçılar” adlandırılacaq)

İki ölkə arasında uzunmüddətli münasibətlərə əsaslanaraq və 1994-cü il 23 fevral tarixli Dostluq və Əməkdaşlıq haqqında Birgə Bəyannaməni və...

12 noyabr 2026, 22:55