Bəxtiyar Mustafayevdən, Biləsuvar, Azərbaycan

Hörmətli cənab Prezident.

Bütün Azərbaycan xalqı kimi bizim kəndimizin sakinləri də Sizinlə fəxr edir. Bölgələrdə, bütün sahələrdə nəzərə çarpan inkişaf, müasir texnologiyaların tətbiqi, əldə olunan müsbət nəticələr bizi sevindirir.

Fermerlər, təsərrüfatla məşğul olan insanlar hər zaman dövlət qayğısını hiss edirlər. Son vaxtlar əkin sahələrinin suvarılmasında yaradılan şərait daha yüksək məhsul əldə etməyimizə kömək edir. Pambıq əkini zamanı alternativ su mənbələrindən istifadə edirik, demək olar ki, su sarıdan korluq çəkmirik, sudan səmərəli istifadə edirik.

Cənab Prezident, biz hər zaman Sizinləyik. Dəmir yumruq yuxarı qalxarsa bir qazi kimi ölkəmizin müdafiəsinə, Vətən uğrunda can verməyə hazıram, hər bir əmrinizə müntəzirəm.

Bir daha suvarma sahəsində yaradılan şəraitə, yüksək məhsuldarlığa görə Sizə dərin minnətdarlığımızı bildiririk.

Allah Sizi qorusun!

Hörmətlə,

Mustafayev Bəxtiyar

Azərbaycan Respublikası, Biləsuvar rayonu, Ağalıkənd kəndi.