İsmixan İbrahimov və başqalarından, Gəncə, Azərbaycan

Hörmətli cənab Prezident.

Gündən-günə gözəlləşən Gəncə şəhərinin sakinləri Yeni ili böyük ümid və xoş hisslərlə qarşılayırlar.

Çünki hər birimiz əminik ki, bizə və şəhərimizə göstərdiyiniz qayğı qarşıladığımız ildə daha da artacaq. Şəhərdə tikinti və abadlıq işləri daha böyük vüsət alacaq, insanlar daha rahat, daha xoşbəxt yaşayacaqlar.

Sizin sayənizdə xalqımız tarixinin ən keşməkeşli sınaqlarından alnı açıq çıxıb və hazırda xoşbəxt yaşayır. Sizin qayğınızla hər bir bölgəmiz, o cümlədən Gəncəmiz çiçəklənir.

Cənab Prezident, gəncəlilərə göstərdiyiniz diqqət və qayğı heç bir zaman unudulmayacaq. Buna görə səmimi-qəlbdən təşəkkür edirik.

Hörmətlə,

İbrahimov İsmixan,

Emin Məmmədov,

Qasımov Natiq,

Xuduyev Qiyas,

Əhmədov Elnar.

Azərbaycan Respublikası, Gəncə şəhəri.