Nəvai Hüseynov və başqalarından, Gəncə, Azərbaycan

Hörmətli cənab Prezident!

Azərbaycanın müstəqil və praqmatik siyasəti xalqımıza saysız-hesabsız uğurlar bəxş etmişdir. 2024-cü ilin idman yekunlarına həsr olunmuş mərasimdə çıxışınız zamanı Gəncəmiz haqqında dedikləriniz Sizin şəhərimizə olan diqqətinizin və tükənməz qayğınızın göstəricisidir. Buna görə Sizə böyük minnətdarlıq hissi duyur, Sizinlə fəxr edirik.

Hörmətli cənab Prezident, gələn il Gəncə şəhərində böyük təmir-bərpa işlərinin aparılması barədə göstəriş verməyiniz gəncəlilər üçün yaxşı yeni il hədiyyəsi oldu. Sizə təşəkkür edir, qüdrətli ölkəmizin xoşbəxt gələcəyi üçün bütün işlərinizdə bol-bol uğurlar arzu edirik.

Sizin gənclərə olan diqqətiniz də təqdirəlayiqdir. Hər zaman Sizin diqqət mərkəzinizdə olmağımız bizim üçün qürurvericidir. Yolunuz hər zaman açıq olsun!

Hörmətlə,

Nəvai Hüseynov,

Azər Mehdiyev,

Anar Əliyev,

Elnur Ramazanov,

Elçin Ələkbərov.

Azərbaycan Respublikası, Gəncə şəhəri.