Nərgiz Musayeva və başqalarından, Gəncə, Azərbaycan

Hörmətli cənab Prezident,

Siz Azərbaycanın bütün bölgələrini inkişaf etdirirsiniz. Sizin qayğı və diqqətiniz sayəsində Azərbaycanımız günü-gündən gözəlləşir, inkişaf edir. Gözəl Gəncəmiz – Nizami yurdu bu sevincdən pay götürür. Biz də günü-gündən gözəlləşən Gəncəmiz üçün sevinirik.

Gəncəni gəzdikcə insanın ürəyi açılır, istirahət guşələrində, yaşayış məskənlərində yaşıllaşdırma işləri aparılır, hər tərəfdə təmir-bərpa işləri və gül əkini həyata keçirilir, küçələrdəki işıqlandırma sistemindəki nasazlıqlar aradan qaldırılır, plafonlar yenilənir. Bu işlər sakinlərin ürəyindən xəbər verir, yeni parklar, geniş küçələr, uşaq meydançaları, istirahət guşələri göz oxşayır.

Cənab Prezident, Gəncə şəhərində aparılan abadlıq və quruculuq işlərinə görə Sizə şəhər sakinlərinin adından minnətdarlığımızı bildirir, uzun ömür, şərəfli fəaliyyətinizdə uğurlar arzulayırıq.

Hörmətlə,

Musayeva Nərgiz,

İsmayılova Kəmalə,

Abbasəliyeva Ətayə,

Qasımova Mehriban,

Bağırova Mətanət.

Azərbaycan Respublikası, Gəncə şəhəri