Ruslan Sadıxovdan, Bakı, Azərbaycan

Möhtərəm cənab Prezident, Zati-aliləri!

Dünyanın böyük və mötəbər beynəlxalq tədbirlərindən olan, BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) Sizin rəhbərliyiniz altında ərazi bütövlüyünü, suverenliyini əbədiləşdirmiş Azərbaycanda müvəffəqiyyətlə keçirilməsi, Sizin bu tədbirdə parlaq çıxışlarınız hər birimizdə hədsiz qürur hissi doğurur.

Sizin və respublikamızın birinci xanımı Mehriban Əliyeva tərəfindən 2011-ci ildə təməli qoyulmuş, dünyada ən iri ekoloji layihələrdən biri kimi tanınan Bakı Ağ Şəhər layihəsinin COP29 tədbirində iştirak edən əməkdaşlarının təltif edilməsi ilə əlaqədar Sizə dərin minnətdarlığımızı bildiririk. Kollektivimizə verdiyiniz bu dəyər bizi yeni nailiyyətlərə ruhlandırır.

Dərin hörmətlə,

Bakı Ağ Şəhər layihəsinin kollektivi adından,

Layihənin icraçı direktoru Ruslan Sadıxov

Azərbaycan Respublikası, Bakı şəhəri.