İlkin İsmayılovdan, Gəncə, Azərbaycan

Hörmətli cənab Prezident!

Azərbaycanımızı dünyaya tanıtmaq, ölkəmizin gücünü və qüdrətini nümayiş etdirmək məqsədilə keçirilən tədbirlər sırasına növbəti böyük idman yarışı əlavə olunmuşdur. Üçüncü MDB Oyunlarına ev sahibliyi etməklə dünya ictimaiyyətinə ölkəmizin mühüm töhfələr verə biləcəyini bir daha nümayiş etdirəcəyik. Eyni zamanda, Azərbaycanın mədəniyyətini, tarixini, qazandığı uğurları təbliğ etmiş olacağıq.

Əsas oyunların Gəncə şəhərində keçirilməsi ilə bağlı tapşırığınıza əsasən Azərbaycanın ikinci böyük şəhərində təmir-quruculuq işləri aparılacaq, yeni infrastruktur layihələri icra ediləcək. Sizin bütün qərarlarınız doğma Azərbaycanımızın tərəqqisinə töhfələr verir. Gəncə şəhərində də bu istiqamətdə həyata keçirilən tədbirlər sakinlər tərəfindən yüksək qiymətləndirilir.

Ölkəmizdə idmana və idmançılara böyük diqqət və qayğı göstərilir. Üçüncü MDB oyunlarının müvəffəqiyyətlə həyata keçiriləcəyinə inanırıq. Sizin xalqımıza göstərdiyiniz dəstəyi yüksək qiymətləndirir və gələcək işlərinizdə Sizə uğurlar arzu edirik.

Hörmətlə,

İsmayılov İlkin Yusub oğlu,

“Gəncə Şəhər Birləşmiş Xəstəxanası” publik hüquqi şəxsin direktoru.

Azərbaycan Respublikası, Gəncə şəhəri.