Fərqiyyə Teymurovadan, Bakı, Azərbaycan

Hörmətli cənab Prezident!

Mən, aztəminatlı ailənin üzvüyəm. Hazırda, Sabunçu rayonunun Zabrat qəsəbəsində yerləşən Həssas əhali qruplarından olan şəxslər üçün Sığınacaq və Sosial Reabilitasiya Müəssisəsində yaşayıram. Əsas odur ki, özümü burada rahat hiss edirəm, şükür Allaha ölkəmizdə də əmin-amanlıqdır. Yerləşdirildiyim bu sığınacaqda mənə göstərilən diqqət və qayğıdan razılığımı Sizə çatdırmaq istəyirəm. Siz təkcə mənə yox, minlərlə evsiz-eşiksizə, qocaya, uşağa sahib çıxmısınız, onlara yeni həyat bəxş etmisiniz. Ümumilikdə ölkə əhalisinin sosial müdafiəsinin gücləndirilməsi, vətəndaşların daha firavan yaşaması istiqamətində mühüm işlər görürsünüz.

Cənab Prezident, Sizə kiçik bir şeir həsr etmişəm və istəyirəm fürsətdən yararlanaraq onu ali diqqətinizə təqdim edim.

Ürəkdən Sizədir arzu-dilək,

Sizdədir İlham Ata, o cəsur ürək,

Sizin yollarınıza düzüm gül-çiçək,

Mübarəkdir Zəfərin mübarək!

Hörmətlə,

Fərqiyyə Teymurova,

Həssas əhali qruplarından olan şəxslər üçün Sığınacaq və Sosial Reabilitasiya Müəssisəsinin sakini.

Azərbaycan Respublikası, Bakı şəhəri, Sabunçu rayonu, Zabrat qəsəbəsi.