Fidan Quliyevadan, Gəncə, Azərbaycan

Hörmətli cənab Prezident.

Mən, Bakı Dövlət Universitetinin "Hüquq" fakültəsinin ikinci kurs tələbəsiyəm, yüksək balla qəbul olunmuşam, dövlət hesabına təhsil alıram.

Sizin sərəncamlarınıza və tapşırıqlarınıza uyğun olaraq, doğulub boya-başa çatdığım Gəncə şəhərində aparılan abadlıq-quruculuq işləri şəhərimizin inkişafına təkan verir.

Respublikamızda ilk dəfə Gəncədə yaradılan Ekoloji Park Kompleksi şəhərimizin gözəlləşdirilməsində, sakinlərin və qonaqların asudə vaxtlarının səmərəli keçirilməsində, eləcə də ekoloji mühitin yaxşılaşdırılmasında əvəzsizdir. Müasirliyi özündə tam əks etdirən bu memarlıq incisi bütün fəsillərdə müxtəlif növ nadir gül-çiçək, kol bitkiləri, eləcə də ağac tingləri ilə biomüxtəlifliyin zənginləşdirilməsini təmin edir.

Gəncə şəhərinə göstərdiyiniz qayğıya görə, Gəncə şəhərinin abadlaşdırılması və ekoloji vəziyyətinin yaxşılaşdırılması sahəsində həyata keçirilən uğurlu layihələr və ekoloji tədbirlərə görə Sizə dərin minnətdarlığımızı bildiririk.

Cənab Prezident, hər il Zəfər Gününü qalib ölkənin qalib vətəndaşları kimi qeyd edirik. Bizə bəxş etdiyiniz bu qələbə sevincinə görə Sizə minnətdarıq.

Əziz Prezidentimiz, Sizin siyasətinizi hər zaman dəstəkləyir və Sizinlə fəxr edirik. Tanrı Sizi qorusun.

Hörmətlə,

Quliyeva Fidan Xaliq qızı

Azərbaycan Respublikası, Gəncə şəhəri.