Əbülfət Məhərrəmovdan, Gəncə, Azərbaycan

Hörmətli cənab Prezident.

Sizin apardığınız düşünülmüş və məqsədyönlü siyasət nəticəsində xalqımızın 30 illik torpaq həsrətinə son qoyuldu. İşğaldan azad edilmiş ərazilərdə dayanıqlı məskunlaşma üçün hazırda quruculuq və abadlıq işləri həyata keçirilir, məcburi köçkünlər öz dədə-baba yurdlarına qayıdırlar.

Bununla yanaşı, digər bölgələrimizdə də quruculuq işləri uğurla davam etdirilir, ölkəmizdə bütün sahələrdə dinamika və canlanma hiss olunur.

Gəncə şəhərində aparılan abadlıq-quruculuq işlərinə görə Sizə öz dərin təşəkkürümü bildirirəm. Sizin xüsusi diqqətiniz və qayğınız sayəsində Nizami yurdu qədim Gəncə özünəməxsus inkişaf yolu keçmişdir. Şəhərimizdə abadlıq-quruculuq işləri bu gün də uğurla davam etdirilməkdədir.

Bütün bunlara, habelə Gəncə şəhərinə göstərdiyiniz diqqətə görə Sizə minnətdarıq.

Hörmətlə,

Məhərrəmov Əbülfət Paşa oğlu.

Azərbaycan Respublikası, Gəncə şəhəri.