Azad Cavadov, Gəncə, Azərbaycan

Hörmətli cənab Prezident.

İşğaldan azad edilmiş Qarabağda, eləcə də respublikamızın hər bir bölgəsində bu gün genişmiqyaslı abadlıq və quruculuq işləri həyata keçirilir, yeni parklar salınır, vətəndaşlara xidmət edən sosial binalar tikilib istifadəyə verilir.

Sizin rəhbərliyinizlə Azərbaycanımızın çiçəklənməsi, yüksəldilməsi üçün yeni layihələr həyata keçirilir, sakinlərin rahatlığı üçün abadlıq və quruculuq işləri aparılır. Gəncə şəhəri də bu layihələrdən bəhrələnir, yaşıllıqlar salınır, ağaclar əkilir. Davamlı olaraq aparılan bu abadlıq işləri Nizami yurdu olan Gəncənin simasını dəyişir.

Cənab Prezident, Gəncə şəhərində aparılan abadlıq və quruculuq işlərinə görə Sizə dərin təşəkkürümüzü bildiririk. Ulu Tanrı Sizi qorusun.

Hörmətlə,

Cavadov Azad Elçin oğlu

Azərbaycan Respublikası, Gəncə şəhəri.