Fikrət Əmiraslanovdan, Gəncə, Azərbaycan

Hörmətli cənab Prezident.

Mən, Gəncə şəhər sakini olaraq, şəhərimizə göstərdiyiniz, diqqət və qayğıya görə Sizə minnətdaram.

Azərbaycanda ilk dəfə Gəncədə yaradılan Ekoloji Park Kompleksi şəhərimizin gözəlləşdirilməsində və eləcə də ekoloji mühitin yaxşılaşdırılmasında, həmçinin sakinlərin və qonaqların asudə vaxtlarının səmərəli keçirilməsində əvəzsiz ekomemarlıq incisidir. Fərqli dizaynı ilə seçilən kompleksdə turistlərin rahatlığı üçün bütün şərait yaradılmış, müasirliyi özündə tam əks etdirən bu sənət əsəri bütün fəsillərdə müxtəlif növ nadir gül-çiçək, kol bitkiləri, eləcə də ağac tingləri ilə biomüxtəlifliyin zənginləşdirilməsini təmin edir.

Qeyd olunanlardan başqa, şəhərimizin hər yerində gedən abadlıq-quruculuq işləri, yeni salınan parklar və yaşıllıq zonaları Gəncənin füsunkar təbiətinə öz töhfələrini verməklə yanaşı, mikroiqlimin yaxşılaşmasına səbəb olacaqdır.

Gəncə sakinləri daim dövlətin və onun Prezidentinin yanında olub və Sizi inandırırıq ki, həmişə də yanında olacaqdır. Biz Sizinlə həmrəyliyimizi ifadə edirik. Azərbaycan xalqının hər bir nümayəndəsinin böyük məhəbbətini və rəğbətini qazanmış bir Lider kimi Sizə bir daha minnətdarıq.

Hörmətlə,

Əmiraslanov Fikrət.

Azərbaycan Respublikası, Gəncə sakini.