Aytəkin Quliyevadan, Gəncə, Azərbaycan

Hörmətli cənab Prezident.

Sizin müdrik və uzaqgörən siyasətinizin nəticələri hər birimizi valeh edir. Sizin rəhbərliyinizlə Azərbaycan Ordusu 30 illik həsrətə son qoyaraq torpaqlarımızı yağı düşməndən azad etdi. İşğaldan azad olunmuş torpaqlarımızda bu gün dayanıqlı məskunlaşma üçün quruculuq, bərpa və abadlıq işləri həyata keçirilir. Bununla yanaşı, ölkəmizdə müasir və layiqli həyatın təmin edilməsi istiqamətində də lazımi işlər görülür, respublikamızda bütün sahələrdə inkişaf və tərəqqi var.

Gəncə şəhərinin gözəlləşdirilməsi, qəsəbələrinin işıqlandırılması, yolların bərpası üçün göstərdiyiniz diqqət də təqdirəlayiqdir. Bu diqqətin və qayğının sayəsində qədim Gəncə şəhəri həm də müasir görkəm almışdır.

Cənab Prezident, bir sakin olaraq şəhərimizdə görülən abadlıq və quruculuq işlərinə görə Sizə minnətdarlığımı bildirirəm.

Hörmətlə,

Aytəkin Quliyeva

Azərbaycan Respublikası, Gəncə şəhəri.