Mehman Rzayevdən, Gəncə, Azərbaycan

Hörmətli cənab Prezident.

Gələcək nəsillərə daha yaşıl və təmiz bir dünya bəxş etmək üçün atdığınız addımlara görə Sizə dərin təşəkkür və minnətdarlığımı bildirmək istəyirəm.

“Yaşıl dünya naminə həmrəylik ili” təşəbbüsünüz çərçivəsində ölkəmizin ekoloji tarazlığını qorumaq və təbiəti mühafizə etmək sahəsində aparılan işlər böyük bir örnəkdir, töhfədir. Bu əhəmiyyətli proqram sayəsində Gəncədə ağacəkmə aksiyası keçirilmişdir. Bu, gələcəkdə şəhərimizin “ağciyəri” hesab olunan ağacların sayının artmasına və şəhər havasının təmizlənməsinə səbəb olacaq. Bu cür aksiyaların həyata keçirilməsinə görə Sizə təşəkkürümüzü bildiririk.

Vətəndaşlarımız daha sağlam, ekoloji cəhətdən təhlükəsiz bir mühitdə yaşamaq fürsəti əldə edir. Sizin uzaqgörən siyasətiniz və əzmkarlığınız sayəsində Azərbaycan regionda ekoloji problemlərin həlli və təbiətin qorunması yolunda əhəmiyyətli addımlar atır və beynəlxalq aləmdə nümunə göstərilir.

Bu mühüm yolda uğurlarınızın davamlı olmasını, Sizə, ailənizə və bütün Azərbaycan xalqına daha yaşıl, daha sağlam bir dünya arzulayıram.

Dərin hörmət və minnətdarlıqla,

Mehman Rzayev,

Əməkdar həkim.

Azərbaycan Respublikası, Gəncə sakini.