Mədinə Qocayevadan, Naftalan, Azərbaycan

Möhtərəm cənab Prezident, Silahlı Qüvvələrin Müzəffər Ali Baş Komandanı!

Ölkəmizin qüdrətlənməsinə, dövlətimizin gündən-günə güclənməsinə, xalqımızın rifahının yüksəlməsinə xidmət edən uğurlu daxili və xarici siyasətiniz bizi qürurlandırır.

Bu gün xalqımız çox məğrurdur. Sizin müdrik siyasətiniz, Ordumuzun gücü, xalqımızın Sizə olan inamı ilə Qarabağ həsrətinə son qoyuldu, torpaqlarımız işğaldan azad olundu. Qarabağ sevincini bizə yaşatdığınız üçün, övladlarımızın, əsir düşmüş ana-bacılarımızın intiqamını aldığınız üçün Sizə sonsuz minnətdarlığımı bildirirəm. Qazanılan şanlı Zəfər xalqımızı daha xoş günlərə aparacaq.

Cənab Prezident, Uca Allah Sizi qorusun. Siz bu günümüzün, sabahımızın, gələcəyimizin nicatısınız. Sizə şəxsən öz adımdan və ailəm adından dərin minnətdarlığımı, ehtiramımı çatdırıram.

Hörmətlə,

Qocayeva Mədinə Salman qızı.

Azərbaycan Respublikası, Naftalan şəhəri, Qaşaltı Qaraqoyunlu kəndi.