Araz Abbasovdan, Göygöl, Azərbaycan

Hörmətli cənab Prezident.

Qarabağ müharibəsi əlillərinə və şəhid ailələrinə göstərdiyiniz diqqət və qayğıya görə Göygöl rayonunun müharibə əlilləri və şəhid ailələri adından Sizə dərin minnətdarlığımızı bildirirəm.

Siz ən yeni Azərbaycanın şanlı-şöhrətli tarixini yazırsınız. Ölkəmizə rəhbərlik etdiyiniz müddətdə güclü ordu quraraq torpaqlarımızın azadlığına nail oldunuz. Sizin praqmatik siyasətiniz, Ordumuzun döyüş əzmi və hərbçilərimizin qəhrəmanlığı sayəsində bu gün əzəli torpaqlarımızda müqəddəs Bayrağımız dalğalanır. Bu günləri görmək hər bir vətənpərvər azərbaycanlı üçün çox xoşdur.

Ölkəmizdə müharibə iştirakçılarına və şəhid ailələrinə böyük diqqət göstərilir, onların mənzil-məişət şəraiti yaxşılaşdırılır, sosial müdafiəsinin gücləndirilməsi istiqamətində hərtərəfli tədbirlər həyata keçirilir.

Biz hər zaman Sizi dəstəkləmişik və bundan sonra da dəstəkləyəcəyik. Uğur hər zaman Sizinlə olsun!

Hörmətlə,

Abbasov Araz.

Azərbaycan Respublikası, Göygöl şəhəri.