Məhəmmədəli Səmədovdan, Göyçay, Azərbaycan

Hörmətli cənab Prezident, Müzəffər Ali Baş Komandan.

Azərbaycanın hər bir vətəndaşı kimi mən də Sizinlə qürur duyuram. Siz titanik zəhmətiniz, tükənməyən səylərinizlə ölkəmizi qüdrətli dövlətə çevirmisiniz. Məhz Sizin sayənizdə uzun illərdən bəri xalqımızın gözlədiyi Qələbə Ordumuzun gücü nəticəsində qazanıldı, Qarabağımız azad oldu.

Mən I dərəcəli hərbi əliləm. Dövlətimə güvənim sonsuzdur. Rəhbərliyiniz altında 30 illik Vətən, torpaq həsrətinə son qoyuldu və torpaqlarımız işğaldan azad edildi.

Buna görə Uca Allaha şükür, Sizə isə dualar edirik. Allah Sizə cansağlığı və uzun ömür versin.

Uca Allahdan diləyirəm ki, dövlətimizi, millətimizi, Türk dünyasını və Sizi qorusun.

Bir daha səmimi qəlbdən Sizə təşəkkür edir və hər zaman Sizin yanınızda olduğumuzu bildiririk.

Hörmətlə,

Səmədov Məhəmmədəli Azər oğlu

Azərbaycan Respublikası, Göyçay rayonu, Birinci Ərəbcəbirli kəndi.